రహమాన్ రెమ్యునేషన్ పది కోట్లా?

By Staff

| Published: Monday, June 23, 2008, 10:09 [IST]

పెద్ద బ్యానర్స్ సినిమాలకు సంగీతం కావాలంటే ఆ రేంజ్ వాడు కావాలి. అలా...గాడ్ ఫాదర్స్ లేకుండా కేవలం టాలెంట్ తో ఆ రేంజి కి ఎదిగిన వ్యక్తి ఎ.ఆర్.రహమాన్. ఆయన మ్యూజిక్ ఇచ్చిన సినిమాలలో దాదాపు అన్నీ ఆడియో హిట్టే. దాంతో ఎప్పుడూ ఎవరినీ నిరాశపరచని ఆయన వద్దకు 'రోబో' ప్రాజెక్టు వెళ్ళింది. శంకర్ గత చిత్రాలలో మేజర్ రహమాన్ సంగీతంతో రూపుదిద్దుకున్నవే. అందులోనూ ఐశ్వర్యారాయ్,రజనీకాంత్,వంటి స్టార్స్ ఉన్న సినిమా 'రోబో' కావటం ప్రపంచం మొత్తం మార్కెట్ కావటంతో రహమాన్ నే ఎంపిక చేసారు.

ఆయన ఆ ప్రపోజల్ కి ఒప్పుకుని పది కోట్లు రెమ్యునేషన్ నిమిత్తం అడిగారుట. సాధారణంగా అంత పెద్ద ఎమౌంట్ ని ఊహించని దర్శక,నిర్మాతలు షాకయ్యారట. కాసేపు తర్జన భర్జనలు పడ్డా ఆడియో రైట్స్ ని దృష్టిలో పెట్టుకని ఓ.కె.అన్నారట. దాంతో రహమాన్ పై పూర్తి స్ధాయి బాద్యత పడింది. ఎంతో గొప్పగా ఆడియో ఉంటే తప్ప ఆ డబ్బు తిరిగి రికవరి కాదు. మరి పోటా పోటీగా పాటలు అందించటానికి ఆయన రెడీ అవుతున్నారట. అంటే మనకీ గొప్ప పాటలు విందే కదా....