రజనీ పుస్తకం జపనీస్ భాషలో కూడా..

సూపర్ స్టార్ రజనీ కాంత్ కు సంబంధించిన 'రజనీస్ పంచతంత్ర-వాల్యూ స్టేట్ మెంట్స్ ఫర్ మేనేజింగ్ లైప్ అండ్ బిజినెస్ సొల్యూషన్స్' పుస్తకాన్ని త్వరలో జపానీస్ భాషలోకి అనువదించి జపాన్ లో విడుదల చేసేందుకు సన్నాహాలు చేస్తున్నారు. గత సంవత్సరం తమిళం, ఇంగ్లీష్ లో విడుదలైన ఈ పుస్తకానికి మంచి ఆదరణ లభించింది. రజనీకి జపాన్ లోనూ మంచి ఫ్యాన్ ఫాలోయింగ్ ఉండటంతో.....అక్కడ కూడా ఈ పుస్తకానికి మంచి ఆదరణ లభిస్తుందని భావిస్తున్నారు.

సినిమాల విషయానికొస్తే...రజనీకాంత్ 'రాణా'సినిమాను అటకెక్కించి కూతురు సౌందర్య దర్శకత్వంలో 'కోచాదయన్' సినిమాకు కమిట్ అయిన విషయం తెలిసిందే. ఈ సినిమాలో రజనీకాంత్ సరసన అనుష్కను ఎంపిక చేయనుందని, రజనీ చెల్లెలి పాత్రలో స్నేహ నటిస్తుందని తెలుస్తోంది. అయితే ఇంకా అధికారిక సమాచారం వెలువడాల్సి ఉంది.