For Quick Alerts
    ALLOW NOTIFICATIONS  
    For Daily Alerts

    ‘అన్నత్తే’ షూటింగ్ స్పాట్‌ ఫొటో వైరల్: అదిరిపోయే గెటప్‌లో సూపర్ స్టార్ రజినీకాంత్

    |

    వయసు పెరుగుతున్నా మరింత ఉత్సాహంగా సినిమాలు చేస్తూ.. కుర్ర హీరోలకే సవాలు విసురుతున్నారు తలైవా సూపర్ స్టార్ రజినీకాంత్. ఆరు పదుల వయసులోనూ ఎంతో వేగంగా చిత్రాలను చేస్తూ.. తన అభిమానులను ఖుషీగా ఉంచుతున్నారు. జయాపజయాలను పట్టించుకోని ఆయన.. ఒకదాని తర్వాత ఒకటి పట్టాలెక్కిస్తున్నారు. ఈ క్రమంలోనే ప్రస్తుతం ఆయన 'అన్నత్తే' అనే సినిమాలో నటిస్తున్నారు. హైదరాబాద్‌లో ఈ మూవీ షూటింగ్ శరవేగంగా జరుగుతోంది. తాజాగా షూటింగ్ స్పాట్ నుంచి ఓ ఫొటో బయటికొచ్చింది. ఇది చూసిన వారంతా షాకవుతున్నారు.

    తమిళ సినీ ఇండస్ట్రీలో మాస్ చిత్రాల దర్శకుడిగా పేరొందిన శివ డైరెక్షన్‌లో సూపర్ స్టార్ రజినీకాంత్ నటిస్తోన్న చిత్రమే 'అన్నత్తే'. ఎంతో ప్రతిష్టాత్మకంగా ఈ మూవీ తెరకెక్కుతోంది. ప్రస్తుతం దీని షూటింగ్ హైదరాబాద్‌లోని రామోజీ ఫిల్మ్ సిటీలో జరుగుతోంది. ఈ సందర్భంగా దర్శకుడు శివతో రజినీకాంత్ మాట్లాడుతున్న ఫొటో ఒకటి బయటకు వచ్చింది. ఇందులో తలైవా వింటేజ్ గెటప్‌తో కనిపించారు. దీంతో ఈ సినిమాలో ఆయన లుక్ ఇదే అని అందరూ అనుకుంటున్నారు. ఇక, ఈ పిక్ బయటకు వచ్చినప్పటి నుంచి రజినీ అభిమానులు ఫుల్ ఖుషీ అయిపోతున్నారు.

    Rajinikanth Annaatthe Sets Photo Viral

    ఎంతో ప్రతిష్టాత్మకంగా రూపొందుతోన్న 'అన్నత్తే' సినిమాను సన్ పిక్చర్స్ బ్యానర్‌పై కళానిధి మారన్ నిర్మిస్తున్నారు. ఇందులో మీనా, ఖుష్బూ, కీర్తి సురేష్, నయనతార, జగపతి బాబు, ప్రకాష్ రాజ్ కీలక పాత్రల్లో నటిస్తున్నారు. ఇమ్మాన్ సంగీత సారథ్యం వహిస్తున్నారు. ఫ్యామిలీ యాక్షన్ ఎంటర్‌టైనర్‌గా ఈ చిత్రం రూపొందుతోంది. ఇందులో రజినీకాంత్ మధ్య వయస్కుడి పాత్రను పోషిస్తున్నారు. ఆయన కుమార్తెగా కీర్తి సురేష్ నటిస్తోంది. ఈ సినిమాపై భారీ అంచనాలే ఉన్నాయి.

    English summary
    Shivaji Rao Gaekwad, known professionally as Rajinikanth, is an Indian actor who works primarily in Tamil cinema. In addition to acting, he has also worked as a producer and screenwriter. He has won many awards, including four Tamil Nadu State Film Best Actor Awards and a Filmfare Best Tamil Actor Award.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X