ట్రాఫిక్ లో గిలగిల్లాడిన సూపర్ స్టార్

By Staff

Published: Wednesday, December 24, 2008, 11:59 [IST]

సౌత్ ఇండియా సూపర్‌స్టార్‌ రజనీకాంత్‌ నిన్న చెన్నై ట్రాఫిక్‌లో చిక్కుకున్నారు. శంకర్‌ దర్శకత్వంలో రజనీకాంత్‌, ఐశ్వర్యారాయ్‌ జంటగా నటిస్తున్న ఎందిరన్‌ షూటింగ్‌ ప్రస్తుతం చెన్నై సమీపంలోని ఎన్నూర్‌ హార్బర్‌లో కొనసాగుతోంది. ఈ షూటింగ్‌లో పాల్గొనేందుకు సోమవారం రాత్రి రజనీ కారులో బయలుదేరారు. మనలి వద్దకు చేరుకోగా ముందు భారీ కంటైనర్లు నిలిచిఉన్నాయి. రెండుగంటలు గడిచినా పరిస్థితిలో మార్పురాలేదు. ఏం చేయాలో అర్ధం కాని పరిస్ధితి ఏర్పడింది. చాలా అసహనంతో ఉన్నా ఎవరినీ అడగలేని పరిస్ధితి ఏర్పడింది.

ఎవరినైనా పిలిచినా క్రిందకి దిగినా అక్కడో తిరుణాళ్ళ వాతావరణం ఏర్పడుతుందని ఆయన ఆగిపోవాల్సి వచ్చింది. చివరకు విసిగిపోయిన సూపర్‌స్టార్‌ ఈ విషయాన్ని దర్శకుడు శంకర్‌కు సెల్‌ఫోన్‌ ద్వారా తెలిపారు. దీంతో శంకర్‌ నలుగురు స్టంట్‌ మాస్టర్లను మోటర్‌సైకిళ్లలో రజనీ కారు ఆగిన ప్రాంతానికి పంపారు. వారు రజనీకి వలయంగా ఏర్పడి మోటర్‌సైకిల్‌పై ఎక్కించుకుని షూటింగ్‌జరిగే ప్రదేశానికి తీసుకెళ్లారు. ఎవరూ గుర్తుపట్టకుండా రజనీ హెల్మెట్‌ పెట్టుకున్నారు. అలా ఆయన ట్రాఫిక్ పద్మవ్యూహం నుండి బయటపడ్డారు.

More from Filmibeat