Don't Miss!
- Finance HUL: రూ.24 డివిడెండ్ ప్రకటించిన హిందుస్థాన్ యూనిలీవర్..
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రజినీకాంత్ అభిమానుల నిరసన: నిర్ణయాన్ని వెనక్కి తీసుకోవాలని డిమాండ్
తమిళ చిత్ర పరిశ్రమకు చెందిన హీరోనే అయినా.. తనకంటూ ప్రత్యేకమైన గుర్తింపును దక్కించుకుని యూనివర్శల్ స్టార్ అయిపోయారు సూపర్ స్టార్ రజినీకాంత్. వినూత్న శైలి, విలక్షణ నటనతో కొన్ని కోట్ల మంది అభిమానులను సంపాదించుకున్న ఆయన.. ఆరుపదుల వయసులోనూ ఏమాత్రం విశ్రమించకుండా సినిమాలు చేస్తున్నారు. అదే సమయంలో ప్రజాసేవ కోసం రాజకీయాల్లోకి వెళ్లేందుకు సిద్ధం అయ్యారు. ఇలాంటి పరిస్థితుల్లో ఆయన అస్వస్థతకు గురవడం.. తర్వాత పొలిటికల్ ఎంట్రీపై తన నిర్ణయాన్ని మార్చుకోవడం చకచకా జరిగిపోయాయి.
ఎప్పటి నుంచో రజినీకాంత్ పొలిటికల్ ఎంట్రీపై ఊహాగానాలు వెల్లువెత్తుతున్నాయి. ఇలాంటి సమయంలో తన అభిమాన సంఘం 'రజినీ మక్కల్ మండ్రుం' సభ్యులతో చర్చలు జరిపిన అనంతరం రాజకీయాల్లోకి ప్రవేశిస్తున్నట్లు ప్రకటించారాయన. అంతేకాదు, 'డిసెంబర్ 31న పార్టీ ప్రకటన.. జనవరి 1 నుంచి ప్రారంభించబోతున్నాం' అని ఓ ట్వీట్ కూడా చేశారు.
ఆ తర్వాత కొద్ది రోజులకే అస్వస్థతకు గురయ్యారాయన. అనారోగ్యం నుంచి కోలుకుని ఇంటికి వెళ్లిన తర్వాత పొలిటికల్ ఎంట్రీపై కుటుంబ సభ్యులతో చర్చలు జరిపారు. దీనికి వాళ్లంతా అడ్డు చెప్పడంతో తన నిర్ణయాన్ని వెనక్కి తీసుకున్నారు. ఈ మేరకు మరో ప్రకటనను కూడా వదిలారు.
రాజకీయాల్లోకి రావడం లేదంటూ రజినీకాంత్ చేసిన ప్రకటనపై ఆయన అభిమానులు నిరాశగా ఉన్నారు. ఈ నేపథ్యంలోనే ఆయన తన నిర్ణయాన్ని వెనక్కి తీసుకోవాలని డిమాండ్ చేస్తూ.. తమిళనాడు నలుమూలల నుంచి అభిమానులు చైన్నైకి తరలి వస్తున్నారు. అంతేకాదు, నగరంలో నిరసన కార్యక్రమాలు చేస్తున్నారు. దీంతో రజినీకాంత్ పొలిటికల్ ఎంట్రీ మరోసారి హాట్ టాపిక్ అవుతోంది. ఇదిలా ఉండగా.. ప్రస్తుతం ఆయన మాస్ డైరెక్టర్ శివ తెరకెక్కిస్తోన్న 'అన్నత్తే'లో నటిస్తున్నారు.