అయ్యో రజనీ...మళ్ళీ లీకయ్యిందా?

By Staff

| Published: Wednesday, September 24, 2008, 12:40 [IST]

రజనీకాంత్ ప్రధాన పాత్రలో శంకర్ రూపొందిస్తున్న రొబొ సాంగ్ సీక్వెన్స్ ఫొటోలు లీకవటం ఇప్పుడు అందరినీ షాక్ కి గురిచేస్తోంది. పెరూ లో జరుగుతున్న ఈ షూటింగ్ కోసం అన్ని జాగ్రత్తలు తీసుకున్నా ఇలా లీకవటాన్ని ఎవరూ జీర్ణించుకోవేకపోతున్నారు. అప్పటికీ సెల్ ఫోన్స్ సైతం కట్టేసి ఈ షూటింగ్ జరిపారు. అయితే అక్కడ పేపరార్జీ కల్చర్ ఎక్కువగా ఉండటంతో ఈ ఇబ్బంది ఏర్పడింది అని తెలుస్తోంది. పెరూ న్యూస్ పేపర్ లో ఈ సినిమాకి సంభంధించిన ఆరు ఫొటోలు రిలీజ్ అయ్యాయి.

ఇంతకు ముందు శివాజీ సినిమా సమయంలో కూడా ఇలా ఫొటోలు రిలీజైన సంగతి తెలిసిందే. ఇక ఈ సినిమాలో రజనీ సరసన ఐశ్వర్యారాయ్ నటిస్తోంది. రజనీకాంత్ ద్వి పాత్రలో ఈ చిత్రంలో కనిపించనున్నాడని సమాచారం. ఒకటి రొబొ కాగా మరొకటి ఆ రొబొ ని తయారుచేసే సైంటిస్ట్ గా ను అని చెప్పుకుంటున్నారు.ఇదిలా ఉంటే రజనీకాంత్ శ్రేయాభిలాషులు కొంత మంది ఫోనుల్లో ,ఎస్.ఎమ్.ఎస్ ద్వారా అయ్యో రజనీ ...మళ్ళీ లీకయ్యిందా? అని పరామర్శిస్తున్నారుట. అదీ సంగతి.