Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అవెంజర్స్-ది ఎండ్గేమ్ ఎఫెక్ట్: రజనీ 2.0 చైనా రిలీజ్ వాయిదా!
రజనీకాంత్, అక్షయ్ కుమార్ ప్రధాన పాత్రల్లో శంకర్ దర్శకత్వంలో రూపొందిన ఇండియన్ బిగ్ బడ్జెట్ మూవీ 2.0. గతేడాది ఇండియాలో విడుదలైన ఈ చిత్రం తాజాగా చైనాలో రిలీజ్ ప్లాన్ చేస్తున్నారు. చైనా థియేట్రకల్ రైట్స్ ఆ దేశంలోనే అతిపెద్ద డిస్ట్రిబ్యూషన్ సంస్థ హెచ్.వై.మీడియా సొంతం చేసుకుంది.
చైనాలో ఈ చిత్రాన్ని దాదాపు 56,000 స్క్రీన్లలో విడుదల చేసేందుకు ప్లాన్ చేస్తున్నారు. ఇందులో 47,000 3డి స్క్రీన్లు కావడం విశేషం. మే 2న విడుదల చేసేందుకు గతంలో ప్లాన్ చేశారు. అయితే అవెంజర్స్-ది ఎండ్ గేమ్ చైనాలో సంచలన వసూళ్లు సాధిస్తుండటంతో ఈ వారం ఇతర సినిమాల విడుదలను నిలిపివేశారు. 2.0 మే లేదా జూన్లో రిలీజ్ అయ్యే అవకాశం ఉందని తెలుస్తోంది.
చైనాలో భారీ ఎత్తున విడుదలవుతున్న రజనీకాంత్ మూవీ ఇది. సూపర్ స్టార్ సినిమాలకు జపాన్, మలేషియా, ఇతర దేశాల్లో మంచి డిమాండ్ ఉంది. చైనాలో ఆ పరిస్థితి లేదు. అయితే 2.0 రిలీజ్ తర్వాత ఆయన సినిమాల మార్కెట్ అక్కడ పెరుగుతుందని భావిస్తున్నారు.
ఇటీవల కాలంలో ఇండియన్ సినిమాలకు చైనా అతిపెద్ద మార్కెట్గా మారింది. అమీర్ ఖాన్ సినిమాలకు భారీ డిమాండ్ ఉంది. దంగల్, సీక్రెట్ సూపర్ స్టార్ చిత్రాలు వందల కోట్లు వసూలు చేశాయి. బాహుబలితో పాటు పలు బాలీవుడ్ చిత్రాలు అక్కడ విడుదలయ్యాయి.
ఇప్పటి వరకు చైనాలో విడుదలైన భారతీయ సినిమాల్లో దంగల్ (రూ. 736 కోట్లు), అంధాదున్ (రూ. 303 కోట్లు), బజరంగీ భాయిజాన్(రూ. 295 కోట్లు), హిందీ మీడియం (రూ. 218 కోట్లు) రాబట్టింది. ఈ నేపథ్యంలో త్వరలో విడుదల కాబోయే 2.0 చిత్రం కూడా మంచి వసూళ్లు సాధిస్తుందని అంచనా వేస్తున్నారు.