మళ్ళీ మెడికల్ చెకప్, రజని అమెరికాకు పయనం.. ఏం జరుగుతోంది!

కొన్ని వారాల పాటు అక్కడే

రజనీకాంత్ త్వరలోనే అమెరికాకు వెళ్లి కొన్ని వారాల పాటు మెడికల్ చెకప్ చేయించుకోబోతున్నట్లు తెలుస్తోంది. కాలా చిత్రం విడుదల ముందు వరకు రజని అక్కడే ఉంటారట.

కంగారు పడాల్సింది లేదు

ఇందులో కంగారు పడాల్సిన విషయం ఏమి లేదని ఆయన సన్నిహితులు అంటున్నారు. రజనీకాంత్ ప్రతి ఏడాది లాగే ఈ సంవత్సరం కూడా మెడికల్ చెకప్ కోసం వెళుతున్నారని అంటున్నారు. ఇందులో అభిమానులు ఆందోళన పడాల్సిన అంశం ఏమి లేదని, కాకపోతే రజని రాజకీయ ప్రకటన చేసిన తరువాత మీడియా హడావిడి పెరిగిందని చెబుతున్నారు.

విడుదల కావలసిన ఆ రెండు చిత్రాలు

రజనీకాంత్ నటించిన కాలా, రోబో 2.0 చిత్రాలు విడుదల కావలసి ఉంది. వీటిలో 2.0 చిత్రంపై సందిగ్దత ఇప్పటికి కొనసాగుతోంది. కాలా చిత్రం జూన్ 7 న ప్రేక్షకుల ముందుకు రాబోతోంది. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్రంలో రజని గ్యాంగ్ స్టర్ పాత్రలో కనిపించబోతున్నారు.

కొత్త సినిమాకు రెడీ

రజనీకాంత్ రాజకీయ అరంగేట్ర ప్రకటన చేసిన తరువాత కూడా సినిమాల జోరు తగ్గడం లేదు. రెండు చిత్రాలు విడుదలకు సిద్ధంగా ఉండగానే మరో చిత్రానికి రెడీ ఐపోతున్నారు.రజనీకాంత్ సుబ్బరాజ్ దర్శకత్వంలో నటించబోతున్నారు. కాలా విడుదల తరువాత ఈ చిత్రం పార్రంభం కానుంది.