రజనీకాంత్ ప్రత్యేక జన్మదినోత్సవమిది!

By Staff

Published: Wednesday, March 11, 2026, 7:15 [IST]

శివాజీ సినిమాతో అంతర్జాతీయ మార్కెట్ లో నూ సంచలనం సృష్టించిన సూపర్ స్టార్ రజనీకాంత్ బుధవారం(డిసెంబర్ 12)న తన 57వ జన్మదినోత్సవాన్ని జరుపుకుంటున్నాడు. రాష్ట్రవ్యాప్తంగా ఆయన అభిమానులు పెద్దయెత్తున రజనీకాంత్ జన్మదినోత్సవాన్ని జరుపుతుండగా ఆయన మాత్రం ఎలాంటి హడావుడి లేకుండా జన్మదినోత్సవాన్ని సింపుల్ గా జరుపుకున్నాడు. గత సంవత్సరం జరుపుకున్నట్టే సాదాసీదాగా తన జన్మదినోత్సవాన్ని జరుపుకోవడానికి రజనీకాంత్ ముందే నిర్ణయం తీసుకున్నాడు.

అభిమానులు మాత్రం రజనీ జన్మదినోత్సవాన్ని ఘనంగా జరుపుతున్నారు. మరికొద్దిరోజుల్లో శివాజీ సినిమా 200 రోజుల మైలురాయిని 50 థియేటర్లలో పైగా దాటనున్నందున వారు ఈ జన్మదినోత్సవాన్ని ప్రత్యేకంగా సెలబ్రేట్ చేస్తున్నారు ఆయన అభిమానులు. ఇంకా రక్తదాన శిబిరాలు, అనాధలకు అన్నదాన కార్యక్రమాలు చేపట్టారు. రజనీఫ్యాన్స్.కామ్ సంస్థ పలు సేవా కార్యక్రమాలను చేపట్టింది. దుబాయ్, మలేసియాలలో ప్రత్యేక ఫంక్షన్లను నిర్వహిస్తోంది.

More from Filmibeat