ప్రభుదేవా, నయనతార లవ్ స్టోరీలో మరో ట్విస్ట్

ప్రభుదేవా, నయనతార ప్రేమ కథ మరో మలుపు తిరగనుంది. ఇద్దరు బిడ్డల తండ్రైన ప్రభుదేవా..హీరోయిన్ నయనతారను పెళ్లాడనున్నట్లు ఇటీవలే ప్రకటించిన సంగతి తెలిసిందే. ఈ విషయం తెలిసిన నాటి నుంచి ఆయన భార్య రమలత్ తీవ్రంగా ఆవేదన చెందుతోంది. ఈ నేపథ్యంలో తనకు జరుగుతున్న అన్యాయంపై నిరాహార దీక్షకు దిగాలని ఆమె భావిస్తోంది. ఇందుకు అవసరమైన సన్నాహాలు చేసుకుంటోంది. ఈ వ్యవహారంలో మహిళా సంఘాలన్నీ ఇప్పటికే ఆమెకు బాసటగా నిలిచాయి. నయనతారను చట్టం ఎదుట నిలబెతామంటూ పలువురు మహిళా న్యాయవాదులు తాజాగా ప్రకటించిన సంగతి తెలిసిందే. ఈ నెల 24న ప్రభుదేవా చెన్నై రాగానే ఆయనతో ముఖాముఖి చర్చించి ఆ తర్వాత తన దీక్ష గురించి తుది నిర్ణయం తీసుకుంటానని రమలత్ ప్రకటించింది.ఇక ఆ మధ్య ప్రభుదేవా భార్య రమాలత నుంచి తనకు ప్రమాదం ఉందని తాజాగా నయనతార ప్రెవేటు సెక్యూరిటీని ఏర్పాటు చేసుకుంది.ఇక నయనతార ప్రస్తుతం ఆర్య హీరోగా చేసిన 'బాస్‌ అలియాస్‌ భాస్కరన్‌' చిత్రం హిట్ అవటంతో ఉత్సాహంగా ఉంది.