Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బ్రేకప్ తర్వాత రష్మికకు మళ్లీ లవ్ ప్రపోజల్.. ఆమె అంటే పిచ్చి అంటూ హీరో ట్వీట్
కన్నడ భామ రష్మిక మందన్న స్టార్ హీరోలతో జతకడుతూ తెలుగులో అగ్ర హీరోయిన్ల జాబితాలో చేరిపోయింది. ఇటీవల కాలంలో వరుస విజయాలను తన ఖాతాలో వేసుకొన్నది. అలాగే రాబోయే కాలంలో భారీ బడ్జెట్ చిత్రాల్లోనూ, అలాగే స్టార్ హీరోల సరసన నటించే అవకాశాలను మెరుగుపరుచుకొన్నది. ఈ క్రమంలో రష్మికకు తమిళ హీరో నుంచి ఓ లవ్ ప్రపోజల్ వచ్చింది. ఇంతకు ఆ హీరో ఎవరు.. ఎలాంటి ప్రపోజల్ చేశాడంటే..
ఎంగేజ్మెంట్ బ్రేకప్
కిరిక్ పార్టీతో కన్నడ పరిశ్రమలోకి ప్రవేశించిన రష్మిక రికార్డు విజయాన్ని సొంతం చేసుకొన్నది. ఆ తర్వాత హీరో రక్షిత్ శెట్టితో ప్రేమలో పడి పెళ్లి వరకు వచ్చింది. ఆ తర్వాత నిశ్చితార్థం జరిగిన విషయం తెలిసిందే. అయితే కొన్ని పరిస్థితుల మధ్య రక్షిత్, రష్మిక ఎంగేజ్మెంట్ బ్రేకప్ అయింది. అప్పటి నుంచి సింగిల్గానే ఉంటుంది.
చలో తర్వాత స్టార్ హీరోయిన్గా
ఆ పరిస్థితుల్లో చలో సినిమాతో తెలుగులోకి అడుగుపెట్టిన రష్మిక మందన్న ఆ సినిమా విజయం సాధించడంతో ఇక వెనుకకు తిరిగి చూసుకోలేదు. ఆ తర్వాత గీత గోవిందం, దేవదాస్, సరిలేరు నీకెవ్వరు, డియర్ కామ్రేడ్, భీష్మ లాంటి సినిమాలతో భారీ విజయాలను చేజిక్కించుకొన్నది.
దక్షిణాదిలో బిజీ ఆర్టిస్టుగా
ఇక ప్రస్తుతం చేతినిండా ప్రాజెక్టులతో రష్మిక బిజీగా మారింది. అల్లు అర్జున్, సుకుమార్ కాంబినేషన్లో వస్తున్న పుష్ప చిత్రంలోను, ఇంకా రెండు చిత్రాలకు గ్రీన్ సిగ్నల్ ఇచ్చింది. తమిళంలో సుల్తాన్, కన్నడలో పొగరు చిత్రాల్లో నటిస్తున్నది. ఇలాంటి సమయంలో, అదీ బ్రేకప్ తర్వాత రష్మికపై తమిళ హీరో హరీష్ కల్యాణ్ మనసు పడేసుకోవడం చర్చనీయాంశమైంది.
రష్మిక అంటే క్రష్
కరోనా లాక్డౌన్ సందర్భంగా ట్విట్టర్లో హరీష్ కల్యాణ్ చాట్ చేస్తుండగా.. ఓ అభిమాని ఏ హీరోయిన్ అంటే క్రష్ అని అడిగిన ప్రశ్నకు సమాధానం ఇస్తూ దక్షిణాదిలో ప్రేక్షకులకు దేవతగా మారిన రష్మిక మందన్న అంటే నాకు క్రష్ అని చెప్పారు.
|
రష్మికకు ట్యాగ్ చేసి
అంతేకాకుండా తనకు రష్మిక అంటే పిచ్చి అంటూ చెప్పడమే కాకుండా ఆమె ట్విట్టర్ అకౌంట్కు స్వయంగా ట్యాగ్ చేయడంతో అభిమానులు ఒకింత షాక్కు గురయ్యారు. అయితే మీరంతా అంటే నాకు ఇష్టం. ఈ విపత్కర సమయంలో అందరూ క్షేమంగా ఉండాలి అని ట్వీట్ చేశారు.
Recommended Video
హరీష్ కల్యాణ్ గురించి
హరీష్ కల్యాణ్ కెరీర్ విషయానికి వస్తే.. బిగ్బాస్ తమిళ రియాలిటీ షోతో చాలా పాపులర్ అయ్యాడు. ఆ తర్వాత 2018లో ప్యార్ ప్రేమ కాదల్ అనే సినిమాలో హీరోగా నటించాడు. ప్రస్తుతం హిందీలో ఘన విజయం సాధించిన వికీ డోనర్ సినిమా రీమేక్ ధరల ప్రభు అనే సినిమాలో నటించాడు. ఈ చిత్రం రిలీజ్ కావాల్సి ఉండగా, కరోనా పరిస్థితుల కారణంగా వాయిదా పడింది.