Click it and Unblock the Notifications
Don't Miss!
-
క్యూ నిల్చొని ఓటు వేసిన సూపర్ స్టార్ -
PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా -
గుడ్నైట్ సందేశాలను ఇలా సరదాగా పంపుకోండి.. -
40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు! -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఒక్కొక్క వార్తకి మతి పోతోంది: ఆడియో లాంచ్ కోసం 25 కోట్లు, హీరోయిన్ కూడా రోబోనే
అక్టోబర్ నెలలో దుబాయ్‌లో జరగనున్న రోబో 2.0 ఆడియో రిలీజ్ వేడుక కోసం దాదాపు 25 కోట్లు ఖర్చు చేయనున్నారని సమాచారం.
రజనీకాంత్ కథానాయకుడిగా నటిస్తున్న సైన్స్ ఫిక్షన్ రోబో 2.0. భారతీయ చిత్రాల్లోనే దాదాపు 350 కోట్లకు మించి భారీ బడ్జెట్‌తో తెరకెక్కుతున్న ఈ చిత్రాన్ని దర్శకుడు శంకర్ రూపొందిస్తున్నారు. బ్రిటీష్ నటి అమీజాక్సన్ కథానాయికగా నటిస్తోంది. లైకా ప్రొడక్షన్స్ సంస్థ నిర్మిస్తున్న ఈ సినిమా చిత్రీకరణ పూర్తయింది. ప్రస్తుతం పోస్ట్‌ప్రొడక్షన్ కార్యక్రమాలు జరుగుతున్నాయి. ఆస్కార్ అవార్డు విజేత ఏ.ఆర్.రెహమాన్ సంగీతం అందిస్తున్న ఈ సినిమాలో రజనీకాంత్ సైంటిస్ట్‌గా, రోబోగా కనిపించనున్నారు.
బాలీవుడ్ హీరో అక్షయ్‌కుమార్ విలన్‌గా నటిస్తున్న ఈ సినిమాలో అమీజాక్సన్ కూడా రోబోగా కనిపించనుందని సమాచారం. ఇటీవలే ఈ చిత్రానికి సంబంధించిన పాటల రికార్డింగ్‌ను పూర్తి చేసిన రెహమాన్ త్వరలో రీరికార్డింగ్‌కు సంబంధించిన వర్క్‌ను మొదలుపెట్టనున్నాడట. కాగా ఈ చిత్ర ఆడియో రిలీజ్ వేడుకను అత్యంత భారీ స్థాయిలో ఏర్పాటు చేయాలని చిత్ర వర్గాలు ప్లాన్ చేస్తున్నాయి.
అక్టోబర్ నెలలో దుబాయ్‌లో జరగనున్న ఈ వేడుక కోసం దాదాపు 25 కోట్లు ఖర్చు చేయనున్నారని సమాచారం. శంకర్ గతంలో ఐ సినిమా ఆడియో వేడుకను భారీగా నిర్వహించి ఆ కార్యక్రమానికి హాలీవుడ్ హీరో అర్నాల్డ్ స్కార్జ్‌నెగ్గర్‌ని తీసుకొచ్చిన విషయం తెలిసిందే. అదే స్థాయిలో 2.0 ఆడియో కార్యక్రమానికి హాలీవుడ్ నటులను శన్కర్ ఆహ్వానిస్తున్నట్లు సమాచారం. భారీ స్థాయిలో బిజినెస్ జరుపుకుంటున్న ఈ చిత్రాన్ని వచ్చే ఏడాది జనవరి 25న విడుదల చేయాలని చిత్ర వర్గాలు సన్నాహాలు చేస్తున్నాయి.
