Don't Miss!
- News వివేకా కేసులో మరో అనూహ్య ట్విస్ట్- విచారణ నుంచి తప్పుకున్న జడ్జి..!
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Sports సూపర్మ్యాన్ స్టబ్స్: మెరుపు ఫీల్డింగ్తో ఢిల్లీని గెలిపించాడు! Video
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వేశ్యపాత్ర చేయటానికి సిద్దపడింది: ఈ వయసులో మళ్ళీ సక్సెస్ సాధ్యమేనా??
టార్చిలైట్ అనే సినిమా లో సదా వేశ్య పాత్రలో నటిస్తోంది , ఆమె ఆహార్యం కూడా వైవిధ్యంగా ఉండబోతుందని యూనిట్ సభ్యులు చెబుతున్నారు.
కొన్నేళ్ల క్రితం హోమ్లీ, గ్లామరస్ పాత్రలతో మెప్పించిన సదా ప్రస్తుతం అవకాశాలు లేక సతమతమవుతోంది.అప్పుడప్పుడు వచ్చే అవకాశాలు, రియాలిటీ షోలలో జడ్జిగా కనిపిస్తూ ఏదోలా కెరీర్ బండిని లాక్కొస్తున్న ఈ ముదురు భామకు రీసెంట్గా కోలీవుడ్లో చాన్స్ రావడం విశేషం. ఇప్పుడు ఆమె చేతిలో ఒకే ఒక్క చిత్రం 'టార్చ్లైట్'.
1980ల నాటి నేపథ్యంతో
1980ల నాటి నేపథ్యంతో ఈ చిత్రం రూపొందుతోంది. ఈ సినిమాలో నటీనటులు ధరించే దస్తులు, లొకేషన్లు అన్నీ ఆనాటి వాతావరణానికి తగ్గట్టే ఉంటాయట. ఇందులో సదా వేశ్య పాత్రలో నటిస్తుండగా, ఆమె ఆహార్యం కూడా వైవిధ్యంగా ఉండబోతుందని యూనిట్ సభ్యులు చెబుతున్నారు.
ఒక అమ్మాయి వేశ్యగా ఎలా మారింది?
తిరునల్వేలి, కుట్రాలం పరిసరాల్లో గ్రామాల్లో ఈ చిత్రం షూటింగ్ జరుగుతోంది. జీవితంపై ఎన్నో కలలు ఉన్న ఒక అమ్మాయి వేశ్యగా ఎలా మారింది? అందుకు దారితీసిన పరిస్థితులేంటి? అన్న కథతో దర్శకుడు మజీద్ ఈ చిత్రాన్ని తెరకెక్కిస్తున్నారు. వేశ్య పాత్రలో నటించేందుకు మొదట సంశయించినా దర్శకుడు చెప్పిన కథ విన్నాక కళ్లలో నీళ్లు తిరిగాయని, వెంటనే ఓకే చెప్పేశానని సదా చెబుతోంది.
కోలీవుడ్ దూరం పెట్టింది
రెండేళ్ల క్రితం వడివేలు హీరోగా నటించిన ‘ఎలి' సినిమాలో అతడి సరసన నటించిన సదాను కోలీవుడ్ దూరం పెట్టింది. వడివేలు సరసన నటించిన హీరోయిన్తో నటించడం ఎందుకని అనుకున్నారో ఏమో కానీ.. కోలీవుడ్లోని హీరోలెవరూ ఆమెకు అవకాశాలు ఇవ్వలేదు. ఆ తరువాత రెండు బాలీవుడ్ సినిమాల్లో నటించినా అవి కూడా బోల్తా కొట్టాయి. దీంతో అమ్మడికి కోలీవుడ్లో తెరకెక్కే ‘టార్చ్ లైట్' రిజల్ట్ కీలకం కానుందని ప్రచారం జరుగుతోంది.
ఇమేజ్ దెబ్బతింటుందని
ఈ కథను చాలామంది నటీమణులకు చెప్పగా నటించడానికి నిరాకరించారని, తమ ఇమేజ్ దెబ్బతింటుందని భయపడ్డారని చెప్పారు చిత్ర డైరెక్టర్ అబ్దుల్ మజీద్. చివరికి నటి సదాను వెతుక్కుంటూ వెళ్లి కథ చెప్పగా ఇలాంటి కథా చిత్రాలు సమాజానికి చాలా అవసరం అని, తాను తప్పకుండా నటిస్తానని అన్నారని తెలిపారు.
ఎంత చేసినా ఈ వయసులో
ఈ చిత్రంలో ఉదయ్ అనే నూతన నటుడు హీరోగానూ అతనికి జంటగా రిత్విక హీరోయిన్గానూ నటిస్తోందని చెప్పారు. చిత్ర షూటింగ్ శరవేగంగా జరుగుతోందని దర్శకుడు తెలిపారు. అయితే అవకాశాలు తగ్గినా ఇంకా హీరోయిన్ అవకాశాల కోసం ఎదురుచూస్తున్న సదాను చూసి కొందరు కామెంట్ చేస్తున్నారు కూడా. ఎంత చేసినా ఈ వయసులో ఆమెకు బ్రేక్ రావడం కష్టమే అంటున్నారు. మరి సదాకు కోలీవుడ్ ‘టార్చ్ లైట్' ఎలాంటి దారి చూపిస్తుందో చూద్దాం.