Don't Miss!
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Automobiles 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- News జగన్ కు వైఎస్ వివేకా భార్య లేఖ-అవినాష్, వైసీపీ అటాక్ పై-న్యాయంవైపు నిలబడాలని విన్నపం..!
- Sports టీ20 వరల్డ్ కప్లో ధోనీ రీఎంట్రీ: బీసీసీఐ మాస్టర్ ప్లాన్!
- Finance Kotak Mahindra Bank: కొంపముంచి కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఏఆర్ మురుగదాస్ దర్శకత్వంలో సమంత
చెన్నై : తెలుగు,తమిళ భాషల్లో తిరుగులేని దర్శకుడుగా ఎదిగిన మురగదాస్ తదుపరి చిత్రంలో హీరోయిన్ గా సమంత ఎంపికైంది. 'తలైవా'(అన్న) తో అభిమానులను ఆకట్టుకుంటున్న 'ఇలయ తలబది' విజయ్ సరసన సమంత ఆడిపాడనుంది. 'బానా కాత్తాడి'తో తమిళ ప్రేక్షకులకు దగ్గరైన సమంత తెలుగులో తిరుగులేని హీరోయిన్ గా హవా చాటుకుంటోంది. స్టార్ హీరోలందరి సరసన నటిస్తూ తీరికలేకుండా ఉంది. ఇప్పుడు సొంతగడ్డ కోలీవుడ్లోనూ దూసుకెళ్లేందుకు సిద్ధమవుతోంది.
విజయ్, ఏఆర్ మురుగదాస్ కాంబినేషన్లో గతంలో వచ్చిన 'తుపాక్కి' భారీ వసూళ్లు దక్కించుకుంది. మళ్లీ వారి కలయికలో కొత్త చిత్రం తెరకెక్కనున్నట్లు వార్తలు వినిపిస్తున్నాయి. ఇందులో సమంతను హీరోయిన్ గా ఎంపిక చేసుకున్నట్లు సమాచారం. 'అదిరడి' అనే పేరును పరిశీలిస్తున్నారు. అనిరుధ్ సంగీతం సమకూర్చనున్నారు. ఏఆర్ మురగదాస్ మాట్లాడుతూ.. విజయ్తో సినిమాను తెరకెక్కించనున్నట్లు వస్తున్న వార్తలు నిజమే. ఇంకా పేరు ఖరారు చేయలేదు. కొన్నింటిని పరిశీలిస్తున్నామని చెప్పారు.
సమంత సినిమాల వివరాల్లోకి వెళితే.. 'అత్తారింటికి దారేది' చిత్రం త్వరలో విడుదలకు సిద్ధం అవుతోంది. ప్రస్తుతం ఆమె పలు తెలుగు చిత్రాలతో బిజీగా ఉంది. అక్కినేని ఫ్యామిలీ మూవీ 'మనం', జూ ఎన్టీఆర్ హీరోగా రూపొందుతున్న 'రామయ్యా వస్తావయ్యా', 'రభస'తో పాటు మరో రెండు చిత్రాలు చేస్తోంది. సినిమాలతో పాటు సేవా కార్యక్రమాల్లోనూ బిజీగా గడుపుతోంది సమంత.
ప్రత్యూష ఫౌండేషన్ కోసం నిధులు సేకరిస్తోంది. ఇందులో భాగంగా సినిమాల్లో ఉపయోగించిన పాపులర్ సినీ స్టార్స్ డ్రెస్సులను వేలం వేసి, తద్వారా వచ్చే డబ్బును 'ప్రత్యూష ఫౌండేషన్' కోసం విరాళంగా ఇచ్చేందుకు ప్లాన్ చేసారు. తొలి వేలంలో పవర్ స్టార్ పవన్ కళ్యాణ్ నటించిన సూపర్ హిట్ మూవీ 'గబ్బర్ సింగ్'లో పవన్ ధరించి పోలీస్ యూనిఫాంను వేలానికి పెట్టనున్నారు. త్వరలో వేలం ఎక్కడ జరుగుతుంది? బిడ్డింగ్ ధర ఎంతతో మొదలవుతుంది? అనే విషయాలు వెల్లడించనున్నట్లు సమంత ట్విట్టర్లో పేర్కొంది.