లోక్ సభ బరిలో రాధిక

ప్రముఖ నటుడు శరత్ కుమార్ ఏఐఎస్ ఎంకె పార్టీ తరఫున తిరునల్వేలి లోక్ సభ స్ధానానికి పోటీ చేయనున్నారు. ఆయన భార్య, ప్రముఖ నటి రాధిక శివగంగ నుంచి కానీ ఇంకా అనుకూలమైన మరో స్ధానం నుంచి కానీ లోక్ సభకు పోటీ చేసే అవకాశముంది. నేడో రేపో వారి పార్టీ తుది జాబితా విడుదల కానుంది.

కార్తీక్ నాయకత్వంలోని అగిల ఇండియా నాదులమ్ మక్కల్ కచ్చి పార్టీని విలీనం చేసుకోడానికి ప్రయత్నం చేశామని శరత్ కుమార్ చెప్పారు. మరి కొన్ని పార్టీలతో పొత్తుల కోసం ప్రయత్నిస్తున్నానని ఆయన చెప్పారు. మొదటి రోజునే తమ పార్టీ టికెట్ల కోసం 51 దరఖాస్తులు వచ్చాయని, గెలిచే 15 స్ధానాలను పార్టీ గుర్తించిందని ఆయన అన్నారు. శరత్ కుమార్ తిరునల్వేలి నుంచే పోటీ చేయాలని ఆ పార్టీకి చెందిన 21 మంది కార్యవర్గ సభ్యులు కోరారు.