ప్రియుడి సూసైడ్ కేసులో కొత్తకోణం.. ఫేస్‌బుక్‌లో అసభ్యంగా ఫొటోలు.. తమిళ నటి కంటతడి

భర్త, పిల్లలకు దూరంగా

నీలాణి, లలిత్ కుమార్ కేసు దర్యాప్తులో ఆసక్తికరమైన విషయాలు వెలుగులోకి వచ్చాయి. భర్త, పిల్లలను వదిలేసి అసిస్టెంట్ డైరెక్టర్ లలిత్ కుమార్‌తో నీలాణి సహజీవనం చేస్తున్నారనే విషయం బయటకు వచ్చింది. నటిగా స్థిరపడేందుకు లలిత్‌కుమార్ పరిచయాన్ని ఉపయోగించుకొన్నారని సన్నిహితులు పేర్కొంటున్నారు.

నీలాణితో ప్రేమ పరిచయం

ఇక గాంధీ లలిత్ కుమార్‌‌కు సంబంధించిన కొన్ని ఆసక్తికరమైన విషయాలు బయటకు వచ్చాయి. తల్లిదండ్రులు లేకపోవడంతో అన్నయ్య సంరక్షణలోనే లలిత్ కుమార్ పెరిగారు. సినీ పరిశ్రమలో రాణించాలనే ఉద్దేశంతో ఉదయనిధి స్టాలిన్ సంస్థలో సినిమాలకు సహాయదర్శకుడిగా మారారు. అప్పుడే నీలాణితో పరిచయం ప్రేమగా మారింది.

లలిత్‌ కుమార్‌ను దూరంగా

అయితే కెరీర్‌పై దృష్టిపెట్టిన నీలాణి.. లలిత్ కుమార్ ప్రేమను దూరంగా పెట్టింది. దాంతో వారి మధ్య విభేదాలు నెలకొన్నాయి. అయితే తనను నీలాణి దూరంగా పెట్టడాన్ని జీర్ణించుకోలేకపోయిన లలిత్ కుమార్ షూటింగ్‌కు వచ్చి నిలదీశాడు అని సన్నిహితులు వెల్లడించారు. దాంతో ఆమె మైలాపూర్ పోలీస్ స్టేషన్‌ ఫిర్యాదు చేయడంతో లలిత్ కుమార్ ఆత్మహత్యాయత్నం చేశారు.

సూసైడ్ అటెంప్ట్‌తో సంబంధం లేదు

లలిత్ కుమార్ సూసైడ్ వ్యవహారంపై దర్యాప్తు చేస్తున్న నీలాణిని ప్రశ్నించినపుడు తనకు ఎలాంటి సంబంధం లేదు అని పేర్కొన్నట్టు పోలీసులు వెల్లడించారు. పోలీసుల విచారణ అనంతరం మీడియాతో నీలాణి మాట్లాడుతూ.. లలిత్‌కుమార్‌తో తనకు సంబంధం ఉన్న మాట నిజమే. ఇద్దరం పెళ్లి చేసుకోవాలనుకున్నాం. , అయితే ఇప్పుడే పెళ్లి చేసుకోవడం తనకు ఇష్టం లేదు అని చెప్పాను అని తెలిపింది.

నా పరువు దిగజార్చేలా

తన గురించి లలిత్‌కుమార్‌ అసభ్యకరమైన దృశ్యాలను ఫేస్‌బుక్‌లో పెట్టారు. ఆ వ్యవహారం నా పరువును దిగజార్చేలా అనిపించింది. అలాగే పెళ్లి చేసుకోమని వేధించడం, ఇతర పనుల కారణంగా నే పోలీసులకు ఫిర్యాదు చేయాల్సి వచ్చింది. తన వద్ద సొమ్ము తీసుకుని మోసం చేశాడు అని లలిత్‌ కుమార్‌పై ఆరోపించింది. తనకు జరిగిన మోసాన్ని వివరించి కంటతడి పెట్టింది.