ఛార్మి బాటలో నయనతార....

By Staff

Published: Wednesday, March 11, 2026, 4:27 [IST]

'16 డేస్' లో ఓ ముద్దు సన్నివేశం కోసం ఛార్మి ప్రత్యేకమైన రెమ్యునేషన్ డిమాండు చేసి పుచ్చుకుందన్న వార్త తెలిసిందే. ఇప్పుడు నయనతార కూడా నేనేం తక్కువ తిన్నాను అన్నట్లు కిస్ కోసం లక్షలు డిమాండు చేసిందనే వార్త చెన్నైని వేడిక్కిస్తోంది. అయినా అదేంటో గాని నయనతార ఇప్పుడేం చేసినా న్యూస్ అయిపోతోంది. అందులోనూ ఆమె కూడా ఎక్స్ పోజింగ్ కి వెనకాడకుండా తన అందాలని తెరపై పంచుతోంది. అలాగే అవీ బాగా వర్కవుట్ అవుతున్నాయి. ప్రస్తుతం ఆమె తమిళ,తెలుగు భాషల్లో నిర్మితమవుతున్న 'సెల్యూట్' చిత్రంలో చేస్తోంది.ఆ సినిమాలో ఓ సన్నివేశంలో విశాల్ కి లిప్ టు లిప్ కిస్ ఇవ్వటానికి ఆమె 15 లక్షలుకు పైగానే తీసుకుందని అంటున్నారు. మొదట ఆ సినిమా నిర్మాతలైన విక్రమ్ కృష్ణ తదితరులు దీనికి షాకైనా ఒప్పుకోక తప్పలేదని యూనిట్ సభ్యులు చెప్పుకుంటున్నారు.

అంతేగాక 'సెల్యూట్' సినిమా హాట్ గా మారటానికి కారణం అందులో ఆమె అందాల ప్రదర్శనే అని చెప్పుకుంటున్నారు. అసలు ఆ సినిమా లో ఒక సాంగ్ లో ఆమె చాలా ఎరోటిక్ గా ఉంటుందని టాక్ రావటం ట్రేడ్ లో ఆసక్తి రేపింది. విశాల్ కన్నా ఆమె గురించే అందరూ చెప్పుకుంటున్నారు. అసలు తమిళంలో అజిత్ తో చేసిన 'భిళ్ళా' లో బికినీతో చేసినప్పుడే ఆమె ఈ తరహా సీన్లు కి పచ్చజెండా ఊపిందని దర్శక, నిర్మాతలూ భావించి సన్నివేశాలకు రూపకల్పన చేసుకుని ఆమెని ఎప్రోచ్ అవుతున్నారు. ఇదిలా ఉంటే ఛార్మి బాటలో పయినించి నయనతార ముద్దు సీనుకి ప్రత్యేకంగా డిమాండు చేసి మరీ రెచ్చిపోవటం చాలా మంది నిర్మాతలుకు మింగుడుపడంటలేదట. ఇక మరెంత మంది హీరోయిన్లు ఆ మార్గంలో పయినిస్తారో అని నిర్మాతలు ఛార్మిని తిట్టుకుంటున్నారు. ఇక నయనతార ఈ హాట్ సన్నివేశాలు చూడాలంటే ఆగస్టు 15 దాకా ఆగాల్సిందే.

More from Filmibeat