శ్రియను ఇరికిస్తున్నారు

By Staff

Published: Monday, May 11, 2009, 11:50 [IST]

మొన్న నయనతారకి అయినటువంటి అనుభవమే ఇప్పుడు శ్రియ ఎదుర్కొంటోంది. తాజాగా ఆమె కమిటయిన అసల్ అనే తమిళ చిత్రం నుండి ఆమెను తొలిగించారు.గౌతమ్ మీనన్ దర్శకత్వంలో మొదట ఆ చిత్రం ప్రారంభం కావల్సి ఉంది. అయితే అనివార్య కారణాల వల్ల ఆ ప్రాజెక్టు నుండి దర్శకుడు తప్పుకున్నాడు. ఆ దర్శకుడు తనకిష్టమైన సమీరా రెడ్డిని హీరోయిన్ గా తీసుకున్నాడు. దాంతో శ్రియని కలిసి అడ్వాన్స్ తిరిగి ఇవ్వమని నిర్మాతలు అడిగారు. అయితే దానికి శ్రియ ససిమేరా అంది.

దర్శకుడుని మార్చటం, హీరోయిన్ ని మార్చటం వంటివి తనకి సంభందం లేకుండా జరిగాయని, తాను చేయననో, ఎగ్గొట్టితేనో అడ్వాన్స్ తిరిగి ఇస్తానని క్లియర్ చేసింది. దాంతో వారు ఎంతో కొంత అయినా ఇమ్మన్నారు. నో అంది శ్రియ. చేసేదేముందని వారు శ్రియపై నిర్మాతల మండలి లో కేసు పెట్టారు. త్వరలోనే నిర్మాతల మండలి వారు ఆమెను పిలిచి క్లారిఫికేషన్ అడగనున్నారు. అయితే అందులో శ్రియ తప్పేమీ లేదు కాబట్టి ఇబ్బంది పడాల్సిన అవసరం ఉండదంటున్నారు. కానీ అడ్వాన్స్ తిరిగి ఇవ్వక పోతే నయనతార పై పెట్టించినట్లే బ్యాన్ పెట్టిస్తామని నిర్మాతలు బెదిరిస్తున్నారు. అందులోనూ త్వరలో ఆమె మల్లన్న, పిస్తా చిత్రాలు రిలీజ్ కానున్నాయి.

More from Filmibeat