Don't Miss!
- News రూ.100 తో ఊరు వదిలాడు.. రూ.200 కోట్లకు అధిపతి
- Sports RCB Playing XI: అతనికి నిరాశే.. సన్రైజర్స్ హైదరాబాద్తో తలపడే ఆర్సీబీ తుది జట్టు ఇదే!
- Lifestyle పురుషుల్లో ఈ లక్షణాలు ఉంటే.. ఖచ్చితంగా డిప్రెషన్కు గురైనట్టే..!
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
శంకర్కు జక్కన ప్రశ్నల వర్షం.. నేను రాజమౌళికి బిగ్ఫ్యాన్ను.. 3.0 తీస్తాను..
సూపర్స్టార్ రజనీకాంత్, దర్శకుడు శంకర్ కాంబినేషన్లో వస్తున్న 2.0 సినిమా ట్రైలర్ వేడుక అంగరంగవైభవంగా జరిగింది. చెన్నై సత్యం సెంటర్లలో జరిగిన 2..0 ట్రైలర్ రిలీజ్ వేడుకకు రజనీ, శంకర్ కుటుంబ సమేతంగా తరలివచ్చారు. భార్య లతతో రజనీ రాగా, శంకర్ తన ఇద్దరు కూతుళ్లు, భార్యతో వేదిక వద్దకు వచ్చారు. అక్షయ్ కుమార్ రాకతో వేదిక వద్ద అలజడి చోటుచేసుకొన్నది. ఈ వేడుకలో వీడియో సంభాషణలో భాగంగా శంకర్ను ప్రముఖ దర్శకుడు ఎస్ఎస్ రాజమౌళి అభినందించారు. ఈ సినిమాపై ఆసక్తిగా ఉన్న కొన్ని ప్రశ్నలను శంకర్కు సంధించారు. రాజమౌళి వేసిన ప్రశ్నలు ఏమిటంటే..
ఎప్పుడెప్పుడా అని ఎదురుచూపులు
ఎస్ఎస్ రాజమౌళి మాట్లాడుతూ.. 2.0 ట్రైలర్ కోసం ఎప్పుడెప్పుడా అని ఎదురుచూస్తున్నాను. 3డీలో రూపొందిన ట్రైలర్ ఎలా ఉంటుందో.. ఏ స్థాయిలో రూపొందించారో నాకు ముందే తెలుసు. ట్రైలర్, సినిమా హిట్ కావాలని నేను శంకర్ ప్రత్యేకంగా విషెష్ చెప్పనక్కర్లేదు అని ఎస్ఎస్ రాజమౌళి అన్నారు.
భారీ బడ్జెట్ చిత్రంగా తీసే
ఇండియన్ సినిమా చరిత్రలోనే ఇంతకు ముందెన్నడూ లేని విధంగా రూ.500 కోట్ల బడ్జెట్తో 2.0 రూపొందించావు. ఈ సినిమా రూపొందించే సమయంలో ఎలాంటి ఒత్తిడిని ఎదుర్కొన్నారు. ఒత్తిడిని ఎలా అధిగమించారు. రజనీ ఫ్యాన్స్ అంచనాలను ఎలా చేరుకోబోతున్నారు అని శంకర్కు రాజమౌళి ప్రశ్నల వర్షం కురిపించారు.
రాజమౌళి బిగ్ ఫ్యాన్ను
రాజమౌళికి బిగ్ ఫ్యాన్ను. బాహుబలి చిత్రంతో ఇండియన్ సినిమాను ప్రపంచస్థాయికి తీసుకెళ్లినందుకు ధన్యవాదాలు. భారీ బడ్జెట్ సినిమా కావడంతో ఒత్తిడి బాగానే ఉంది. కాకపోతే ప్లానింగ్ అంతా పక్కాగా జరిగింది. నా టీమ్ హ్యాండిల్ చేసిన తీరుతో పని చేయడం చాలా సులభమైంది.
రజనీ ఫ్యాన్స్ అంచనాలకు ధీటుగా
రజనీకాంత్ ఫ్యాన్స్ నుంచి వచ్చే అంచనాలు ఎక్కువగానే ఉన్నాయి. రజనీ పోషించిన చిట్టి పాత్ర, రోబో పాత్ర, 2.0 సినిమా రజనీకాంత్ ఫ్యాన్స్ అంచనాలకు మంచి ఉంటుంది. ప్రేక్షకులకు తగినట్టుగా రజనీ సార్ పెర్ఫార్మెన్స్ ఉంటుంది అని ఎస్ రాజమౌళి ప్రశ్నకు శంకర్ సమాధానం ఇచ్చారు.
3.0 చిత్రాన్ని కూడా తీస్తా
రోబో సీక్వెల్గా 2.0 త్వరలో విడుదల కాబోతున్నది. ఇక 3.0 కోసం నా మైండ్లో చిన్న చిన్న ఆలోచనలు ఉన్నాయి. అయితే కథపై పూర్తిగా క్లారిటీ ఏర్పడిన తర్వాత 3.0 రూపొందించే విషయంపై దృష్టిపెడుతాను. 3.0 చిత్రాన్ని కూడా రూపొందిస్తాను అని శంకర్ ఓ ప్రశ్నకు సమాధానం ఇచ్చారు.