Don't Miss!
- Technology ఆంధ్రప్రదేశ్ లో 7.9 మిలియన్ల 5G యూజర్ లతో, Airtel మరో రికార్డు! 5G విస్తరణ వివరాలు
- News సచివాలయ ఉద్యోగులకు ఎన్నికల విధులపై కీలక నిర్ణయం..!!
- Lifestyle ఈ రోజు రాశి ఫలాలు: ఓ రాశి వారు తొందరపాటు నిర్ణయాలు తీసుకోకండి..సమస్యలు పెరుగుతాయి
- Finance Gold Rate: మిసైల్ వేగంతో పెరిగిన పసిడి.. నిన్న పడింది నేడు పుంజుకుంది..
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- Sports వరుస పరాజయాల వేళ.. ఆర్సీబీ, కోహ్లీ ఫ్యాన్స్కు గుడ్ న్యూస్
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
తమిళ రాకర్స్తో 2.O వార్: పైరసీపై ఉక్కుపాదం.. బ్లాక్ లిస్టులో 12 వేల వెబ్సైట్లు!
భారతీయ సినిమా ఖ్యాతిని పెంపొందించే రీతిలో ప్రతిష్టాత్మకంగా రూపొందిన 2.0 మూవీపై భారీ అంచనాల మధ్య ప్రేక్షకుల ముందుకు వస్తున్నది. ఈ చిత్రాన్ని పైరసీ చేస్తామని తమిళ రాకర్స్ లాంటి వెబ్సైట్లు హెచ్చరికలు చేసిన నేపథ్యంలో లైకా ప్రొడక్షన్ భారీగా చర్యలు తీసుకొంటున్నది. 2.O చిత్రాన్ని పైరసీకి చిక్కకుండా భారీ రేంజ్లో ప్రయత్నిస్తున్నారు. లైకా ప్రయత్నాలు ఫలిస్తాయా లేదా అనే వేచి చూడాల్సిందే. లైకా తీసుకొంటున్న చర్యలు ఇవే
పైరసీకి గురికాకుండా పోరాటం
రజనీకాంత్ నటించిన 2.0 చిత్రం పైరసీ గురికాకుండా మద్రాస్ హైకోర్టును ఆశ్రయించారు. అక్రమంగా పోస్ట్ చేసే డౌన్ లోడింగ్ లింకులపై ఉక్కుపాదం మోపేందుకు అనుమతి తీసుకొన్నారు. దాదాపు 12 వేల వెబ్సైట్లను బ్లాక్ లిస్టులో పెట్టేందుకు ప్లాన్ చేస్తున్నారు. సినిమా థియేటర్లలో పైరసీ కాకుండా తగుజాగ్రత్తలు తీసుకొంటున్నారు.
10 మందితో బలమైన టీమ్
2.0 సినిమాను పైరసీకి గురికాకుండా గట్టి జాగ్రత్తలు తీసుకొంటున్నాం. పది మందితో బలమైన టెక్నికల్ టీమ్ను ఏర్పాటు చేశాం. ఎలాంటి జాగ్రత్తలు తీసుకొంటున్నామో మేము బయటికి వెల్లడించలేం. గుట్టు చప్పుడు కాకుండా మా బృందం పనిచేస్తున్నది అని లైకా ప్రొడక్షన్ సభ్యుడు వెల్లడించారు.
చెన్నై, ఢిల్లీ నగరాల్లో టీమ్లు
పైరసీని అడ్డుకునేందుకు చెన్నై, ఢిల్లీలో ప్రత్యేకంగా విభాగాలను ఏర్పాటు చేశాం. పైరసీ లింకులు కనిపిస్తే వెంటనే వాటిని బ్లాక్ చేస్తాం. థియేటర్లలో కొంత మంది సిబ్బందిని కూడా పెడుతున్నాం. మా పరిధిలో అన్ని రకాలుగా జాగ్రత్తలు తీసుకొంటున్నాం అని లైకా ప్రొడక్షన్ వెల్లడించింది.
తమిళ రాకర్స్ వెబ్సైట్కు సవాల్
2.0 సినిమా రిలీజ్ నేపథ్యంలో కొద్ది రోజుల క్రితం తమిళ రాకర్స్ ట్విట్టర్లో సంచలన పోస్టును పెట్టిన సంగతి తెలిసిందే. త్వరలోనే 2.0 చిత్రాన్ని తమిళ రాకర్స్ పైరసీ వెబ్సైట్లో రిలీజ్ చేయనున్నామని లైకా ప్రొడక్షన్కు ఝలక్ ఇచ్చింది. దీంతో లైకా ఓ సవాల్గా గట్టి చర్యలు తీసుకొంటున్నది. ఇటీవల విజయ్ దేవరకొండ నటించిన టాక్సీవాలా చిత్రం రిలీజ్కు ముందే పూర్తి సినిమా పైరసీ వెబ్సైట్లలో దర్శనమివ్వడం తెలిసిందే.