సంచలనానికి శ్రీకారం చుట్టబోతున్న శంకర్.. భారీ మల్టీస్టారర్.. హీరోలు ఎవరెవరంటే!

ఆగిపోయిందంటూ

2.0 చిత్రం తర్వాత శంకర్ భారతీయుడు 2 చిత్రాన్ని ప్రారంభించారు. లోకనాయకుడు కమల్ హాసన్ ఈ చిత్రంలో నటించాల్సింది. కానీ అనుకోని కారణాలవలన భారతీయుడు ఆగిపోయిందంటూ ప్రచారం జరుగుతోంది. చిత్ర యూనిట్ నుంచి కూడా దీనిపై స్పష్టమైన ప్రకటన రాకపోవడంతో అనుమానాలు బలపడుతున్నాయి.

భారీ మల్టీస్టారర్

మల్టీస్టారర్ చిత్రాలపై అభిమానులకు ఎపప్పుడూ ఆసక్తి ఉంటుంది. శంకర్ త్వరలో ఓ భారీ మల్టీస్టారర్ చిత్రాన్ని ప్రారంభించబోతున్నట్లు వార్తలు వస్తున్నాయి. ఈ చిత్రంలో ఇళయదళపతి విజయ్, చియాన్ విక్రమ్ హీరోలుగా నటించబోతున్నట్లు ప్రచారం జరుగుతోంది. శంకర్ ప్రస్తుతం ఈ చిత్రానికి సంబంధించిన కథని సిద్ధం చేస్తున్నారట. శంకర్ ఎలాంటి చిత్రాన్ని తెరకెక్కించిన భారీ బడ్జెట్ లో ఉంటుంది. అలాంటి ఓ మల్టీస్టారర్ చిత్రానికి ఇంకెంత బడ్జెట్ వెచ్చిస్తారో అనే చర్చ మొదలైంది.

ఇప్పటికే శంకర్ దర్శకత్వంలో

చియాన్ విక్రమ్, విజయ్ ఇప్పటికే శంకర్ దర్శకత్వంలో నటించారు. శంకర్, విక్రమ్ కాంబోలో వచ్చిన తొలి చిత్రం అపరిచితుడు. ఈ చిత్రం దేశవ్యాప్తంగా సంచలనం సృష్టించింది. ఆ తర్వాత వీరిద్దరి కాంబినేషన్ లో వచ్చిన ఐ తీవ్రంగా నిరాశపరిచిన సంగతి తెలిసిందే. విజయ్ కూడా స్నేహితుడు చిత్రంలో శంకర్ దర్శకత్వంలో నటించాడు. ఈ ఇద్దరు క్రేజీ హీరోలు ఓ చిత్రం కోసం చేతులు కలిపితే అది సౌత్ లో తప్పకుండా సంచలనమే అవుతుంది.

సత్తా నిరూపించుకోవాలని

విజయ్, విక్రమ్, శంకర్ సినిమా గురించ్చి అధికారిక ప్రకటన రావాల్సి ఉంది. ఓ అద్భుతమైన చిత్రంతో తిరిగి తన సత్తా నిరూపించుకోవాలని శంకర్ భావిస్తున్నారు. 2.0 తర్వాత శంకర్ తెరకెక్కించాలనుకున్న భారతీయుడు 2 చిత్రం నిర్మాణ సంస్థతో విభేదాల వల్ల ఆగిపోయినట్లు ప్రచారం జరుగుతోంది.