twitter
    For Quick Alerts
    ALLOW NOTIFICATIONS  
    For Daily Alerts

    'రోబో' కోసం శంకర్ పాట్లు

    By Staff
    |

    Shankar
    రజనీకాంత్, ఐశ్వర్యారాయ్ జంటగా శంకర్ రూపొందించబోతున్నప్రతిష్ఠాత్మక చిత్రం 'రోబో'. ఈ సినిమా ప్రీ ప్రొడక్షన్ పనులు, రీసెర్చి పనులు భారీ ఎత్తున మొదలయ్యాయి. 'శివాజీ', 'కుచేలుడు' చిత్రాల గెటప్ ల కన్నా భిన్నంగా 'రోబో' లో రజనీని చూపించాలని శంకర్ ప్లాన్ చేస్తున్నాడు. అందుకోసం శంకర్ ఆయన్ని తీసుకుని అమెరికా వెళ్తున్నారు. అక్కడ హాలీవుడ్ నిపుణులు చేత రజనీ తలకట్టు,వేషధారణ లో మార్పులు చేయాలని..ఇంతకు ముందు కన్నా యవ్వనంగా ఆయన్ని చూపాలని తాపత్రయపడుతున్నాడు. అలాగే ఈ గెటప్ ఎలా ఉంటుందనేది బయటికు లీక్ కాకూడదని భారీ ఎత్తున జాగ్రత్తలు తీసుకుంటున్నాడట. ఎందుకంటే 'శివాజి' సినిమాకు శంకర్ ఎన్ని జాగ్రత్తలు తీసుకున్నా ఫలితం లేకుండా పోయింది.

    'శివాజీ' సెట్స్ వద్దకు బయటి వ్యక్తుల్ని ఎవరినీ రానీయకుండా గట్టి సెక్యూరిటీని ఏర్పాటు చేసినా దాని స్టిల్స్ ఇంటర్నెట్‌లో ప్రత్యక్షమయ్యాయి. దాంతో ఆయన ఇప్పుడు చాలా భయపడుతున్నాడు. అంతేగాక 'రొబో' కోసం ప్రత్యేకంగా అమెరికా నుంచి శంకర్ కొన్ని కంప్యూటర్లను తెప్పించాడు. సినిమాలో వచ్చే స్పెషల్ ఎఫెక్ట్స్ మొత్తం ఈ కంప్యూటర్ల ద్వారా జరుపుతారు. లీకేజ్ విషయాన్ని దృష్టిలో వుంచుకుని ఈ కంప్యూటర్లను చెన్నైలోని జెమిని ల్యాబ్‌లో ఎవరికీ తెలీని ప్రదేశంలో వుంచి, అక్కడ స్పెషల్ ఎఫెక్ట్స్ పనుల్ని నిర్వహించేందుకు ఏర్పాట్లు చేశారు. ఆ ప్రాంతలోనూ గట్టి సెక్యూరిటీని నియమించారు. ఇక జూన్‌లో 'రోబో' సెట్స్ మీదకు వెళ్లనుండగా, ప్రస్తుతం రజనీకాంత్ 'కుచేలుడు'లో బిజీగా ఉన్నాడు.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X