యంగ్ సైంటిస్టు గా రజనీ?

By Staff

Published: Wednesday, March 11, 2026, 13:21 [IST]

దర్శకుడు శంకర్.. 'శివాజీ' కన్నా భారీగా ...అంతర్జాతీయ ప్రమాణాలతో 'రొబొ' సినిమా రూపొందించాలని ప్రయత్నం చేస్తున్నారు. అందులో భాగంగానే ముంబాయి లో ఆయన రజనీ కాంత్ తో తాజాగా ఫొటో సెషన్ నిర్వహించారు. ప్రి షూట్ ప్రమోషన్ కోసం ఈ ఫొటోలను రిలీజ్ చేస్తారు. ఇప్పటికే ఎ.వి.యం స్టూడియోలో రెండు సార్లు వేర్వేరు వెరైటీ గెటప్స్ లో ఫొటోలను తీసారు. కానీ పూర్తిగా సంతృప్తి చెందని శంకర్ ఈ ముంబయి ఫొటో షూట్ నిర్వహించాడని యూనిట్ సభ్యులు చెప్పుకుంటున్నారు. ఇక ఈ ఫొటో సెషన్ తో రజనీ చాలా ఖుషీ అయ్యారని తెలుస్తోంది. ఈ సినిమాలో యంగ్ సైంటిస్ట్ గా రజనీ కనువిందు చేయనున్నారని సమాచారం.

ఇక శంకర్, నిర్మాత అయ్యంగారన్ ఈ చిత్రాన్ని హాలీవుడ్ రేంజిలో తీయాలనీ...మార్కెట్ చేయాలని భావిస్తున్నారుట. అలాగే నార్త్ ఇండియాలో కూడా తమిళనాడు సమానంగా ప్రింట్స్ వెయ్యాలని నిర్ణయించుకున్నారుట. ఈ అంశం పై శంకర్ మాట్లాడుతూ " 'శివాజీ' అనేది తమిళ,తెలుగు ప్రేక్షకులను టార్గెట్ చేసింది...కానీ 'రొబొ' ని మాత్రం ప్రపంచ మార్కెట్ లోకి ప్రవేశపెట్టి గెలవాలనుకుంటున్నాం!" అంటున్నారు. అందుకోసమే మేకింగ్ స్టైల్, నిర్మాణ విలవలు భారీగా ఉండేలా చూసుకుంటున్నారుట. అలాగే సినిమాని రజనీ కెరీర్ లోనే కాక ఇండియన్ సినిమా చరిత్రలో చిరస్ధాయిగా నిలిచిపోయేలా తీర్చిదిద్దుతున్నాడుట. బెస్ట్ ఆఫ్ లక్ శంకర్ జీ

More from Filmibeat