నయనతారపై దర్శకుడి షాకింగ్ కామెంట్స్, ఆమె జాతకం.. శింబు, నయన్ బ్రేకప్‌కు కారణం ఇదే!

నయన్, శింబుతో సినిమా చేద్దామని

దర్శకుడు నందు అప్పట్లో నయన్, శింబు జోడిగా కెట్టవన్‌ అనే చిత్రాన్ని ప్లాన్ చేశారు. ఆ చిత్రంలో నటించేందుకు నయన్ ఒప్పుకోలేదు. శింబు కూడా తరువాత చేద్దాంలే అని చెప్పాడు. ధనుష్ తో తెరకెక్కించాలని ప్రయత్నించా కుదర్లేదు. చివరకు శింబు హీరోగానే ఈ చిత్రం సెట్స్ పైకి వెళ్ళింది.

శింబుతో విభేదాలు

తాను ధనుష్ ని కలిసిన విషయం శింబుకు తెలియడంతో పరిస్థితి పూర్తిగా మారిపోయింది. నన్ను శింబు దూరం పెట్టారు. అలా కెట్టవన్‌ చిత్రం పూర్తిగా శింబు చేతుల్లోకి వెళ్లిందని దర్శకుడు నందు అప్పట్లో జరిగిన సంగతులు వివరించాడు.

కమర్షియల్ హీరోయిన్

నయనతార 2015లో వచ్చిన మాయ చిత్రంలో అద్భుతంగా నటించింది. అప్పటివరకు ఆమె ఒక కమర్షియల్ హీరోయిన్ మాత్రమే. 2015 నుంచి నయనతార లేడి ఓరియెంటెడ్ చిత్రాలకు ప్రాధాన్యత పెరిగిందని జిటి నందు తెలిపారు.

విడిపోవడానికి కారణం

నయన్, శింబు విడిపోవడానికి అనేక కారణాలు ప్రచారంలో ఉన్నాయి. అప్పటివరకు నయన్, శింబు పెళ్లి చేసుకోవాలని దృఢ నిశ్చయంతో ఉన్నారు. వారిద్దరూ విడిపోవడం ఎవరూ ఊహించలేదని జిటి నందు తెలిపారు. నయన్, శింబు విడిపోవడానికి తనకు కూడా ఓ కారణం తెలుసు అని అన్నారు.

నయనతార జాతకం

చాలా కాలం ముందు తాను, శింబు తరుపున వ్యక్తి ఓ జ్యోతిష్కుడిని కలిసాం. ట్రిప్లికేన్ ప్రాంతంలో ఆయన చాలా ప్రసిద్ధి గాంచిన జ్యోతిష్కుడు. శింబు, నయనతార జాతకాలని ఆయన పరిశీలించారు. నయనతారకు ఇప్పుడు వివాహం జరిగితే ఆమె రోడ్డున పడే అవకాశం ఉంది. ఆమె జాతకంలో ముఖ్యమంత్రి అయ్యే అవకాశం కూడా ఉన్నట్లు జోతిష్కుడు తమతో చెప్పాడని జిటి నందు ఇటీవల ఓ ఇంటర్వ్యూలో తెలిపారు. శింబుకు నయన్ దూరం కావడానికి ఇది కూడా ఓ కారణం అయి ఉండవచ్చు అని అభిప్రాయం పడ్డాడు.