జగన్ కామెడికి నవ్వు రావడంలేదన్న స్టార్ హీరో..

తెలుగు 'వేదం" తమిళంలో శింబు, భరత్, అనుష్క తదితరుల కాంబినేషన్ లో 'వానం"గా రీమేక్ అవుతున్న విషయం తెలిసిందే. క్రిష్ దర్శకత్వంలో రూపొందిన ఈ చిత్రం ఇటీవల పూర్తయ్యింది. సినిమా రషెస్ చూసి శింబు ఖంగు తిన్నాడట. కామెడీ ట్రాక్ చాలా చప్పగా ఉందని, నవ్వు రావడంలేదని భావించాడు శింబు. ఈ పాత్రలో హాస్యనటుడు జగన్ నటించాడట. నవ్వించలేని కామెడీ ట్రాక్ ఏం బాగుంటుందని అనుకున్న శింబు జగన్ స్థానంలో సంతానంని తీసుకుని మళ్లీ కామెడీ ట్రాక్ షూట్ చేయించాడట. అప్పటికప్పుడు డేట్స్ అడగడం తో సంతానం ఎక్కువ పారితోషికం డిమాండ్ చేసి తీసుకున్నాడట.