Don't Miss!
- Sports సూపర్ సండే: సునామీ సన్రైజర్స్ను ఢీకొట్టేదెవరు: నెక్స్ట్ మ్యాచ్ డీటెయిల్స్ ఇవే
- News గంటాకు సీటు ఖరారు - టీడీపీ తుది జాబితా విడుదల, లిస్టులో..!!
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Finance ICICI: ఐసీఐసీఐ బ్యాంక్ డివిడెండ్ ప్రకటిస్తుందా..!
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
స్టార్ హీరో పుట్టిన రోజున మరో స్టార్ చిత్రం
చెన్నై: 'యంగ్ సూపర్స్టార్' శింబు.. అజిత్కు పెద్ద అభిమాని అనే విషయం తెలిసిందే. 'తల' సినిమా విడుదలైతే తాను కూడా ఓ సాధారణ అభిమానిలా తొలిరోజే సినిమా చూసేస్తుంటాడు. అజిత్ అభిమానులు కూడా శింబును ఆదరిస్తుంటారు. అందువల్లే తన చిత్రాలకు అజిత్కు సంబంధించిన సన్నివేశాలను కూడా జోడిస్తుంటాడు శింబు. ఈ సారి ఓ మెట్టెక్కి.. తన అభిమాన నటుడు అజిత్ పుట్టినరోజున తాను నటించిన సినిమాను విడుదల చేసేందుకు సన్నాహాలు చేస్తున్నాడు.
ప్రస్తుతం శింబు హీరోగా తెరకెక్కుతున్న తాజా చిత్రం 'వాలు' (తోక). హన్సిక హీరోయిన్. చిత్రీకరణ దాదాపు చివరిదశకు చేరుకుంది. వచ్చేనెలలో ఆడియోను ఆవిష్కరించనున్నారు. అయితే సినిమాను మాత్రం అజిత్ పుట్టినరోజైన మే ఒకటోతేదీన విడుదల చేయాలని అనుకుంటున్నాడు శింబు. దీనికి సంబంధించిన పనులు కూడా సాగుతున్నాయని చిత్రవర్గాలు పేర్కొంటున్నాయి. గౌతం దర్శకత్వంలో అజిత్ నటిస్తున్న తాజా చిత్రంలో శింబు కూడా ఓ ముఖ్య పాత్ర పోషిస్తున్నట్లు వార్తలు వినిపిస్తున్నాయి.
అజిత్ నటించిన ప్రతి చిత్రాన్ని విడుదల రోజే చూడటం శింబు అలవాటు. 'ఆరంభం' విడుదల సందర్భంగా నగరంలోని కాశీ థియేటర్లో తొలి షోనే చూశాడు శింబు. అయితే ప్రస్తుతం విదేశాల్లో షూటింగ్లో ఉన్న కారణాన 'వీరం' చూడలేకపోయాడట. అయితే రెండు రోజుల ముందుగానే ఆయన వీక్షించాడట. దీనిపై ట్విట్టర్లో స్పందిస్తూ.. '' 'వీరం' చూశాను. 'తల' ఇందులో చాలా బాగున్నాడు. పొంగల్కు సరిపోయే చిత్రమిది. తల, దర్శకుడు శివ మాస్ ప్రేక్షకుల నాడిని బాగా అర్థం చేసుకుని చిత్రాన్ని అందించారు. మళ్లీ వీక్షించేందుకు సిద్ధమయ్యాను''అని తెలిపాడు.