గుంపులో గోవిందా అని ఫ్యాన్ నడుముగిల్లటంతో బెంబేలెత్తిన హీరోయిన్....

అందాల తారామణులు బయటకు వస్తే కలిగే ఇబ్బందులు అన్నీ ఇన్నీ కావు. ఇటువంటి ఇబ్బందే నటి స్నేహకు ఈమధ్యే ఎదురైంది. తమిళనాడులోని ఈరోడ్ పెరుందురై ప్రాంతంలో ఓ హోటల్ ప్రారంభోత్సవానికి వెళ్లింది అందాల తార స్నేహ. కార్యక్రమం జరుగుతుండగా అమ్మడిని చూసేందుకు అభిమానులు తోసుకుంటూ ఎగబడ్డారు. సందట్లో సడేమియా అన్నట్లు ఓ ఆకతాయి స్నేహ నడుముని గిల్లేసరికి, స్నేహ ఉన్నట్టుండి శివంగిలా మారిపోయిందట. సదరు అభిమాని చేయి పట్టుకుని' ఏం..వొళ్ళెలా ఉంది..టూ నోటికొచ్చిన తిట్లన్నీ తిట్టినట్టు తెలిసింది.

ఇదిలా ఉండగా నడుము గిల్లడానికి బోనస్ గా స్నేహ స్వయంగా అతగాడి చేయిని పట్టుకోవడంతో ఆ అభిమాని తనను తెగ తిడుతున్నా స్నేహ మాటలని ఏమాత్రం పట్టించుకోకుండా సిగ్గుపడుతూ తల దించుకున్నాడట. ఆక్రోశం ఆపుకోలేని స్నేహ మాత్రం, అతగాడు కనిపిన్చినంతవరకూ అలా తిట్టుకుంటూనే వెళ్ళిపోయిందట. అభిమానం వెర్రి తలలు వేస్తే…ఇలాంటివే జరుగుతుంటాయి.