ఐదుగురం ఉన్నాం.. పడకగదిలోకి వస్తావా? నిర్మాతను చెప్పుతో కొడుతానన్న హీరోయిన్

పడకగదిని పంచుకొంటే ఆఫర్

ఇండియా టుడే కాంక్లేవ్‌లో సెక్సీజం ఇన్ సినిమా అనే అంశంపై శృతిహారిహరన్ మాట్లాడుతూ.. ఓ తమిళ సినీ నిర్మాత అసభ్యకరమైన వ్యవహారాన్ని మీడియా ముందు పంచుకొన్నారు. సినిమా అవకాశం ఇస్తాం. కానీ నాతో పాటు మరో నలుగురితో పడకగదిని పంచుకోవాలి అన్నారు అని తెలిపారు.

తమిళ నిర్మాత ఆఫర్

ఇండియా టుడే కాంక్లేవ్‌ చర్చావేదికలో ఆ నాటి భయంకరమైన అనుభావాన్ని గుర్తు చేసుకొంటూ.. నేను ఓ కన్నడ సినిమాలో నటించాను. అయితే ఓ తమిళ నిర్మాత ఆ సినిమా హక్కులను కొనుగోలు చేశారు. తమిళ రీమేక్‌లో నటించాలని తనను సదరు నిర్మాత కోరారు.

నిన్ను వాడుకొంటాం

అయితే ఆ సమయంలో నిర్మాత ఏమన్నారంటే.. ఈ సినిమాకు మేము ఐదుగురం నిర్మాతలం. ఈ సినిమాలో నీకు అవకాశం ఇచ్చినందుకు మేము నిన్ను ఇష్టం వచ్చినట్టు వాడుకొంటాం. అలా అయితేనే మేము నీకు ఆఫర్ ఇస్తాం అని ఆ నిర్మాత చెప్పారు.

చెప్పుతో కొడుతాను

అందుకు నేను సమాధానం ఇస్తూ.. నేను స్లిప్పర్ కూడా పట్టుకొస్తాను. ఆ తర్వాత ఏం జరిగినా పట్టించుకోవద్దు అని అన్నాను. దాంతో వారు ఆ సినిమా నుంచి తప్పించారు అని శృతి హరిహరన్ చెప్పారు.

అవకాశాలు చేజారాయి

ఆ సంఘటన తర్వాత నిర్మాతల ఒత్తిడితో చాలా సినిమాలు నా వద్దకు వచ్చినట్టే వచ్చి చేజారాయి. ఆమెతో సినిమా చేయడం చాలా ప్రమాదకరం అని నాపై నిర్మాతలు తప్పుడు ప్రచారం చేశారని శృతి హరిహరన్ వెల్లడించారు.

18 ఏళ్ల వయసులోనే వేధింపులు

నా సినిమా కెరీర్‌లో అలాంటి సంఘటన మొదటిది కాదు. నా 18వ ఏటనే ఇలాంటి దారుణమైన ఘటనను చవిచూశాను. కన్నడ సినిమా షూటింగ్ సెట్లో నాతో దారుణంగా ప్రవర్తించారు. నేను అడ్డు చెప్పడంతో పరిస్థితులను ఎలా హ్యాండిల్ చేయాలో ఆమెకు తెలియదు. ఇక వదిలేద్దాం అని నిర్మాతలు తప్పించుకొన్నారు అని శృతి హరిహారన్ పేర్కొన్నారు.