రజనీ సూపర్‌స్టార్ కాదట.. పాలిటిక్స్‌లోకి రాగానే ఊహించని మార్పు.. ఫ్యాన్స్‌కు షాకే..

ట్విట్టర్‌లో పేరు మార్పు..

ఫ్యాన్స్‌కు చేరువయ్యే ఉద్దేశంతో రజనీకాంత్ ట్విట్టర్‌లో ఓ ఖాతాను ఆరంభించారు. ఆ అకౌంట్‌ను @superstarrajini పేరుతో తెరిచారు. ఆ ఖాతా నుంచే చాలా వరకు అప్‌డేట్స్ ఇస్తూ వస్తున్నారు. తాజాగా ఆయన రాజకీయాల్లోకి ప్రవేశించారు. దాంతో అనూహ్యంగా ఆయన తన ట్విట్టర్ అకౌంట్ పేరును మార్చుకోవడమనే విషయం వెలుగులోకి వచ్చింది.

ఓన్లీ రజనీకాంత్‌గానే

2013లో ట్విట్టర్ ఖాతాను సూపర్‌స్టార్ రజనీ అనే పేరుతో తెరిచారు. రాజకీయాల్లోకి వచ్చిన తర్వాత ప్రస్తుతం కేవలం రజనీకాంత్ అని స్టాటస్‌ను మార్చుకొన్నారు. అయితే ఈ మార్పు వెనుక కారణం తెలియరాలేదు.

సూపర్‌స్టార్ కనుమరుగు

రాజకీయాల్లోకి వచ్చినప్పటికీ రజనీకాంత్‌ను దేశంలోని సినీ ప్రేక్షకులకు ఆయన సూపర్‌స్టార్‌గానే గుర్తుంటారు. ఆయన పేరు ముందు సూపర్‌స్టార్ అని లేకపోతే ఆయన హోదాకు సరిపడదు అనేది కొత్తగా చెప్పనక్కర్లేదు.

గంట గంటకు మార్పు

రాజకీయాల్లోకి వచ్చిన తర్వాత రజనీకాంత్ సోషల్ మీడియా అకౌంట్లు చాలా యాక్టివ్ అయ్యాయి. సోషల్ మీడియాలో ఆయన అకౌంట్లను ఫాలోవారి అయ్యే సంఖ్య గంట గంటకు మారిపోతున్నది.

రజనీ స్టార్ పవర్ ఇదే

ఇటీవల ఓపెన్ చేసిన ఇన్స్‌టాగ్రామ్‌లో 2 లక్షలకుపైగా, ఫేస్‌బుక్‌లో సుమారు 2 లక్షల మందికిపైగా ఫాలోవర్స్ ఉన్నారు. ట్విట్టర్‌లో 4 మిలియన్లకు పైగా ఫాలోవర్స్ ఉండటం గమనార్హం.