సూర్య సినిమా అంతా స్టార్ల మయం.. విలన్‌గా హీరో, 10 దేశాల్లో భారీగా!

మూడవ చిత్రం

కెవి ఆనంద్ దర్శకత్వంలో సూర్య నటించడం ఇది మూడవసారి. వీడోక్కడే, బ్రదర్స్ చిత్రాలు వీరి కాంబినేషన్ లో వచ్చినవే కావడం విశేషం. కెవి ఆనంద్ చిత్రాలు స్టైలిష్ గా సాగుతూ ఊహించని మలుపులతో ఉంటాయి.

విలన్ పాత్రలో హీరో

ఈ చిత్రంలోప్రముఖ హీరో ఆర్య విలన్ పాత్రలో నటించబోతున్నట్లు తెలుస్తోంది. ఆర్య తాజాగా ఈ చిత్ర షూటింగ్ లో జాయిన్ అయ్యాడు. ఆర్యతో పాటు మోహన్ లాల్, బోమన్ ఇరానీ ఈ చిత్రంలో కీలక పాత్రల్లో నటిస్తున్నారు.

లైకా ప్రొడక్షన్స్

2.0 చిత్ర నిర్మాణ సంస్థ సూర్య, కెవి ఆనంద్ చిత్రాన్ని నిర్మిస్తోంది. భారీ బడ్జెట్ లో ఈ చిత్రాన్ని నిర్మించేందుకు సిద్ధం అవుతున్నారు.

10 దేశాల్లో

ఈ చిత్రం దాదాపు 10 దేశాల్లో చిత్రీకరణ జరుపోనుందంటే ఎంత భారీ బడ్జెట్ లో రూపొందుతుందో అర్థం చేసుకోవచ్చు. న్యూయార్క్, బ్రెజిల్, లండన్, హైదరాబాద్, న్యూ ఢిల్లీ వంటి ప్రాంతాల్లో చిత్రీకరణ జరగనుంది.