రక్త చరిత్రల సూరి పాత్ర..

By Staff

Published: Monday, May 18, 2009, 19:18 [IST]

పరిటాల రవి జీవిత చరిత్ర ఆధారంగా రామ్‌ గోపాల్‌ వర్మ హిందీలో 'రక్త చరిత్ర'ను రూపొందించడానికి సన్నాహాలు చేస్తున్న సంగతి తెలిసిందే. జూలైలో ఈ సినిమా సెట్స్‌ మీదకు వెళ్లనున్న ఈ చిత్రం కోసం నటీనటులు ఎంపిక జరుగుతోంది. ఆ క్రమంలో ఇప్పటికే పరిటాల రవి పాత్రను పోషించడానికి ఆయన వివేక్‌ ఒబెరాయ్‌ ను ఎంపిక చేసిన సంగతి చేసారు. తాజాగా ఈ చిత్రంలో మరో కీలకమైన పాత్ర అయిన మద్దెలచెరువు సూరి క్యారెక్టర్ చేయడానికి తమిళ నటుడు సూర్య ఎంపికయ్యారు. 'గజిని' వంటి బ్లాక్‌ బస్టర్‌ సినిమా ద్వారా సూర్య దక్షిణాదిలో పాపులర్‌ అయ్యారు.

తమిళంలో సూర్య చేస్తున్న సినిమాలన్నీ తెలుగులో విడుదలవుతున్నాయి. ఇటీవలే ఆయన 'అయన్‌' చిత్రం తెలుగులో 'వీడొక్కడే' పేరుతో విడుదలైంది. రవి హత్య కేసులో సూరి ప్రధాన ముద్దాయి అనే సంగతి తెలిసిందే. సూరి ప్రస్తుతం అనంతపురం జైలులో ట్రయల్‌ ఖైదీగా శిక్షననుభవిస్తున్నారు. 'రక్త చరిత్ర' స్క్రిప్టు రూపకల్పనలో భాగంగా ఇదివరకే సూరిని జైలులో కలిశారు వర్మ. 'రక్త చరిత్ర' తొలిభాగం వచ్చే ఏడాది జనవరిలోనూ, రెండో భాగం ఏప్రిల్‌లోనూ విడుదల చేయాలనేది వర్మ సంకల్పం.

More from Filmibeat