'బిజినెస్ మ్యాన్'రీమేక్ కాన్సిల్ ఎందుకంటే

By Srikanya

Published: Sunday, January 15, 2012, 16:10 [IST]

తమిళ స్టార్ హీరో సూర్యతో బిజినెస్ మ్యాన్ చిత్రం రీమేక్ చేయనున్నారంటూ వార్తలు వచ్చిన సంగతి తెలిసిందే. సూర్య సోదరుడు జ్ఞానవేల్ రాజా ఈ చిత్రం రీమేక్ రైట్స్,డబ్బింగ్ రైట్స్ తీసుకున్నారని మీడియాలో గుప్పు మంది. అయితే ఇప్పుడా డీల్ లేదని,రీమేక్ ఆలోచన లేదని చెప్తున్నారు. స్టూడియో గ్రీన్ బ్యానర్ వారు ఈ చిత్రాన్ని కేవలం డబ్బింగ్ చేసి వదులుతారని చెప్పుతున్నారు. ఈ విషయమై జ్ఞానవేల్ రాజా మాట్లాడుతూ...మేం ఎప్పుడూ బిజినెస్ మ్యాన్ రీమేక్ రైట్స్ తీసుకోలేదు. అలాంటప్పుడు అస్సలు రీమేక్ చేస్తామని మీరు ఎందుకనుకున్నారు అని ఎదురు ప్రశ్నించారు. అస్సలు ఈ బిజినెస్ మ్యాన్ చిత్రాన్ని సూర్య హీరోగా వర్మ తెరకెక్కాంచాలని ప్లాన్ చేసారు. రక్త చరిత్ర ప్లాప్ కావటంతో సూర్య డేట్స్ వర్మకు దొరకలేదు. దాంతో ఈ చిత్రం మహేష్ బాబుతో వర్కవుట్ చేసారు.

ఇక మొన్న శుక్రవారం విడుదల అయిన బిజినెస్ మ్యాన్ కలెక్షన్స్ పరంగా చాలా బావుంది. ఈ చిత్రం టాక్ యావరేజ్ గా ఉన్నా కలెక్షన్స్ కి మాత్రం సూపర్ గా ఉన్నాయి. సంక్రాంతి పండుగ కావటం,దూకుడు ఎఫెక్టు కలిసిరావటం,పోకిరి కాంబినేషన్ రిపీట్ కావటం వంటి అనేక అంశాలుతో ఈ చిత్రం ప్రేక్షకులను ధియోటర్స్ వైపుకు పరుగులు తీసేలా చేస్తోంది. కేవలం డైలాగ్స్ ని,క్యారెక్టరైజేషన్ ని నమ్ముకుని రూపొందించిన ఈ చిత్రం మంచి రాబడినే రాబట్టుతోంది. ఈ వారం అంతా చాలా చోట్ల విడుదలకు ముందే ధియోటర్స్ లో టిక్కెట్లు బుక్ అయ్యిపోయాయి. ఇక సూర్య కూడా సెవెంత్ సెన్స్ చిత్రం అనుకున్న విధంగా హిట్ కాకపోవటంతో తన తదుపరి చిత్రం మాట్రిన్ పైనే పూర్తి దృష్టి పెట్టారు.

More from Filmibeat