టబుకి డబ్బే ముఖ్యం...

By Staff

Published: Wednesday, March 11, 2026, 3:00 [IST]

టబు మరో సారి వార్తల్లోకి ఎక్కింది. అదీ శ్రియకు అత్త పాత్ర వేయటానకి ఒప్పుకుని. అయితే అక్కడ ఒక లిటిగేషన్ పెట్టింది. తల్లికాదు...అత్త...లేకపోతే అమ్మమ్మ పాత్ర యోదనేది కాదు డబ్బు ముఖ్యం అని పాటపాడుతోంది. సినిమాలో కొద్దిసేపు కనిపించే ఆ పాత్రంకోసం ఆమె 75 లక్షల రూపాయలు డిమాండు చేస్తోందిట. ఈ సంఘటన దశావతారం దర్శకుడు కె.యస్.రవికుమార్ తన తర్వాత వెంచర్ జగ్గూభాయ్ చిత్రం కోసం ఆమెని కలిసినప్పుడు జర్గింది. రాడాన్ మీడియా వర్క్స్ పతాకంపై రాధిక భారీ స్ధాయిలో నిర్మించానికి ప్లాన్ చేస్తున్న ఈ సినిమాలో శరత్ కుమార్ డబుల్ రోల్స్ లో కనపడతాడు.

అందులో ఒకటి తండ్రి, మరొకటి కొడుకు. తండ్రి పాత్ర కి జతగా ప్లాష్ బ్యాక్ లో కనిపించటం కోసం మొదట స్నేహ ని అడిగారు. కాని ఆమె విషయం తెల్సుకుని తప్పుకుంది. కాని టబు సరేనందిట. తన వయస్సుకు తగిన పాత్ర అని ఆమె ఫీలయి ఒప్పుకుందని అందరూ అంటున్నారు. ఆ పాత్ర కోసం సిమ్రాన్ ని విమలా రామన్ ని, పద్మ ప్రియని అడిగారు. కానీ ఎవరూ ముందుకు రాలేదు. దానితో ఈ మధ్య హైదరాబాద్ వచ్చిన శరత్ కుమార్ టబుని కలసి ఒప్పించాడుట. అప్పుడామె సరేనని 75 లక్షల కండీషన్ పెట్టిందిట. దాంతో ఆ పాత్రకి అంత ఖర్చు పెట్టటం అవసరమా అని డైలమాలో పడుతున్నారట. యోమో ఇవన్నీ చూస్తుంటే రాధికకు విసుగొచ్చి ఆమే తన భర్త శరత్ ప్రక్కన తెరపైనా కన్పిస్తుందేమో తేలాలి.

More from Filmibeat