రామ్ చిత్రం ఒప్పుకోవటానికి తమన్నా కారణం

తమన్నా దృష్టి ఇఫ్పుడు పూర్తిగా తెలుగు పరిశ్రమపై పెట్టింది. వరసగా సినిమాలు ఒప్పుకుంటోంది. అల్లు అర్జున్ తో బద్రీనాధ్ చిత్రం చేస్తున్న ఆమె నాగచైతన్యతో సుకుమార్ దర్శకత్వంలో ఓ చిత్రం చేస్తోంది. ఆ చిత్రం పూర్తి కాకుండానే ఎన్టీఆర్ సరసన సురేంద్రరెడ్డి దర్శకత్వంలో నటించటానికి కమిటైంది. తాజాగా రామ్ సరసన కూడా ఆమె సినిమా చేయటానికి గ్రీన్ సిగ్నల్ ఇచ్చింది. కరుణాకరన్ దర్శకత్వంలో ఈ చిత్రం రూపొందనుంది. యూనైటెడ్ మూవీ పతాకంపై రూపొందే ఈ చిత్రం ఈ వేసవిలో సెట్స్ మీదకు వెళ్ళనుంది. ఇక ఈ చిత్రం ఒప్పుకోవటానికి కారణం దర్శకుడు కరణాకరన్ అని తెలుస్తోంది. తన సినిమాల్లో హీరోయిన్ గా ప్రాముఖ్యత ఉన్న రోల్ ని తీర్చి దిద్దుతాడని, అలాగే ఈ చిత్రంలోనూ ఆమె పాత్ర కథకు కీలకంగా ఉంటుందని, హీరోయిన్ అంటే డాన్స్ లకు పరిమితం కాకుండా ఉండటమే ఆమె రామ్ సరసన కమిటవటానికి కారణమని తెలుస్తోంది.