జయలలిత తరహాలో తమన్నా.. ఐటెం సాంగ్ కోసం కండిషన్, కుదరదని చెప్ప!

జయలలిత స్ఫూర్తితో

కన్నె కలైమనే చిత్రంలో తమన్నా, ఉదయనిధి స్టాలిన్ జంటగా నటించారు. కానీ తమన్నా పాత్రకే ఎక్కువ ప్రాధాన్యత ఉంటుంది. ఈ చిత్రంలో తమన్నా పాత్రని దివంగత ముఖ్యమంత్రి జయలలిత స్పూర్తితో రూపొందించానని దర్శకుడు తెలిపాడు. జయలలిత చీర కట్టు, బొట్టు, ఆమె నడక ఇలా పలు అంశాలలో జయలలిత ఆధారంగా తమన్నా పాత్రని డిజైన్ చేశాం. ఈ చిత్రంలో తమన్నాని చూస్తే తప్పకుండా జయలలిత గుర్తుకు వస్తారు అని దర్శకుడు శీను రామస్వామి అన్నారు.

విజయ్ సేతుపతితో

కన్నె కలైమనే కంటే ముందుగా మమానితన్ చిత్రాన్ని ప్రారంభించాలని అనుకున్నా. ఆ సమయంలో విజయ్ సేతుపతి బిజీగా ఉన్నారు. దీనితో కన్నె కలైమనే స్క్రిప్ట్ ని బయటకు తీశానని దర్శకుడు తెలిపాడు. ఈ చిత్రాన్ని నిర్మించేందుకు రెడ్ జెయింట్ బ్యానర్ లో షణ్ముగమూర్తి ఈ చిత్రాన్ని నిర్మించేందుకు ముందుకు వచ్చారు. అలా కన్నె కలైమనే చిత్రం పట్టాలెక్కింది అని దర్శకుడు తెలిపారు.

ఐటెం సాంగ్ కుదరదు

ఈ చిత్రంలో ఐటెం సాంగ్ తప్పనిసరిగా ఉండాలని షణ్ముగమూర్తి కండిషన్ పెట్టారు. ఇది హీరోయిన్ పాత్ర ప్రధానంగా సాగే చిత్రం. ఈ చిత్రంలో ఐటెం సాంగ్ కుదరదని చెప్పేశా. ఈ విషయాన్ని హీరో ఉదయనిధి స్టాలిన్ దృష్టికి తీసుకెళ్లా. మీరు షూటింగ్ కి ప్లాన్ చేసుకోండి. నిర్మాతతో నేను మాట్లాడతా అని సమస్యని పరిష్కరించారు. హీరోయిన్ పాత్ర ప్రధానంగా ఉన్నప్పటికీ ఈ చిత్రాన్ని చేయడానికి ఉదయనిధి స్టాలిన్ ధైర్యంగా ముందుకు వచ్చారని శీను రామస్వామి ప్రశంసించారు.

ధైర్యం కలిగిన అమ్మాయి

ఈ చిత్రంలో తమన్నా చాలా ధైర్యం కలిగిన అమ్మాయి. తమన్నా పాత్రని ఎలా హైలైట్ చేయాలని ఆలోచిస్తున్న తరుణంలో నా మనసులో జయలలిత మెదిలారు అని శీను రామస్వామి అన్నారు. వెంటనే జయలలిత లక్షణాలతో తమన్నా పాత్రని, సన్నివేశాల్ని రూపొందించినట్లు శీను తెలిపారు. అనుష్క, నయనతార లాంటి హీరోయిన్లంతా లేడి ఓరియెంటెడ్ చిత్రాల్లో నటిస్తూ దూసుకుపోతున్నారు. ఇప్పుడు తమన్నా చేస్తున్న ఈ ప్రయోగం ఎలాంటి ఫలితాన్ని ఇస్తుందో చూడాలి.