కండలు తిరిగిన దేహం.. అదిరిపోయిన హీరో ప్రీ లుక్

తమిళ నటుడు ఆర్య తెలుగు వారందరికీ పరిచయమే. వరుడు సినిమాలో అల్లు అర్జున్‌ను ఢీ కొట్టి.. నేను అంబాని చిత్రంతో అందర్నీ మెప్పించాడు. అయితే మళ్లీ వరుసగా సినిమాలు చేస్తూ వస్తున్నా.. అవి తెలుగులోకి అనువదిస్తున్నా విజయాన్ని అందుకోలేకపోతున్నాడు. చివరగా సూర్య హీరోగా వచ్చిన బందోబస్త్ సినిమాలో కనిపించాడు.

హీరో ఆర్య, సాయేషా సైగల్‌ ప్రేమ పెళ్లి చేసుకున్న సంగతి తెలిసిందే. వీరిద్దరు బందోబస్త్ చిత్రంలోనూ కలిసి నటించారు. ఆ మూవీ షూటింగ్‌లో ఉండగానే వీరిద్దరు పెళ్లి చేసుకున్నారు. వీరి పెళ్లి వేడుకులు కోలీవుడ్‌లో ఘనంగా జరిగాయి. సినీ ప్రముఖుల మధ్య అంగరంగవైభవంగా జరిగింది. ఆర్య తన తదుపరి చిత్రం కోసం రెడీ అవుతున్నాడు.

ఆర్య.. తన కండలు తిరిగిన దేహాన్ని ప్రదర్శించాడు. అంతేకాకుండా ఓ ఆసక్తికరమైన కొటేషన్‌ను కూడా రాసుకొచ్చాడు. మీరెంత బలమైన వారో.. బలంగా తయారయ్యేవరకు తెలుసుకోలేరు.. అదొక్కటే దారి ఉందంటూ రేపు సాయంత్రం ఐదు గంటలకు తన మూవీ అప్‌డేట్ రాబోతోందని ట్వీట్ చేశాడు.