హోమ్

Tamil

చెన్నై: తమిళ సినీ పరిశ్రమలో ఈ మధ్య వరుస విషాదాలు చోటు చేసుకుంటున్న సంగతి తెలిసిందే. తాజాగా మరో విషాదం వెలుగు చూసింది. తమిళ నటుడు, దర్శకుడు బాలు ఆనంద్ గుండెపోటుతో మరణించారు.

బాలు ఆనందం తమిళనాడులోని కోయంబత్తూర్ లో నివాసం ఉంటున్నారు. శుక్రవారం ఉదయం హఠాత్తుగా గుండెపోటు రావడంతో కుప్పకూలిపోయిన ఆయన్ను వెంటనే కుటుంబ సభ్యులు ఆసుపత్రికి తరలించారు. అయితే ఆయన మార్గమధ్యంలోనే మరణించినట్లు వైద్యులు గుర్తించారు.

62 సంవత్సరాల బాలు ఆనందం దాదాపు 100కుపైగా చిత్రాల్లో నటించారు. దర్శకుడిగా కూడా ఆయన పలు సినిమాలు చేసారు. పిస్తా, అన్నానగర్ ఫస్ట్ స్ట్రీట్, అనబెశివమ్, ననె రాజ నానె మంత్రి అనే సినిమాల్లో నటించారు. అయితే ఆయన తెలుగు ప్రేక్షకులకు పెద్దగా పరిచయం లేదు. బాలు ఆనంద్ కు భార్య, కుమారుడు, కుమార్తె ఉన్నారు.

బాలు ఆనంద్ మరణం పట్ల పలువురు సంతాపం వ్యక్తం చేసారు. విషయం తెలిసిన వెంటనే పలువురు సినీ ప్రముఖులు కోయంబత్తూర్ లోని ఆయన నివాసానికి చేరుకుంటున్నారు. ఈ రోజు సాయంత్రం లేదా రేపు ఉదయం అంత్యక్రియలు నిర్వహించ అవకాశం ఉంది.