అనూష్క ను చూసి భయపడుతున్న స్టార్ హీరో

ఆనూష్క డామినేషన్ చూస్తూ ఉంటే..నా ఫెరపార్మెన్స్ కు ఎవరూ పట్టించుకునే పరిస్ధితి కనపపడటం లేదు. అప్పటికీ మేమిద్దరం సమానంగా స్క్రీన్ ని షేర్ చేసుకున్నా..ప్రేక్షకుల అటెక్షన్ మొత్తం ఆమె లాగేసుకునేటట్లుంది. దాంతో నాకు చాలా భయంగా ఉంది..ఈ చిత్రం టోటల్ గా అనూష్కకే వెళ్లిపోతుందని అంటూ ఎత్తేస్తున్నాడు తమిళ స్టార్ హీరో విజయ్. ప్రస్తుతం అనూష్క కోలీవుడ్‌ టాప్‌స్టార్‌గా భాసిల్లుతున్న విజయ్‌ సరసన 'వేట్టైకారన్‌' చిత్రంలో చేస్తున్నారు. అరుందతి డబ్బింగ్ వెర్షన్ అక్కడా రిలీజై ఆమెకు అంతటా ఫ్యాన్స్ ను తెచ్చిపెట్టింది. ఈ చిత్రం సాధించిన సంచలన విజయం అనుష్కకు అక్కడ కూడా ఎనలేని ఖ్యాతిని తెచ్చిపెట్టింది. దాంతో అక్కడామెకు డిమాండ్‌ బాగా పెరిగిపోయింది.

దీపం ఉండగానే ఇల్లు చక్కబెట్టుకునే విధంగా కాకుండా, కోలీవుడ్‌ లో జాగ్రత్తగా తన కెరీర్‌ ప్లాన్‌ చేసుకుంటున్నారామె.విజయ్‌ సూపర్‌ స్టార్‌ డమ్‌ తో పాటు అనుష్కపై తమిళ ప్రజలు చూపుతున్న ఆసక్తి కూడా కలవడంతో తమిళనాట ఈ చిత్రం రికార్డు స్థాయిలో అమ్ముడైంది. ఈ స్థాయిలో సినిమా అమ్ముడవ్వడం విజయ్‌ కెరీర్‌లో ఇదే ప్రథమం. ఈ నెలలోనే 'వేట్టైకారన్‌' విడుదల కానుంది. దీంతో అనుష్కకు కోలీవుడ్‌లో స్థిరమైన స్థానం ఏర్పడడం ఖాయమని పరిశ్రమ వర్గాలంటున్నాయి. తెలుగునాట ఎలాగో టాప్‌ ర్యాంక్‌ లో ఉన్న అనూష్క...తమిళనాట కూడా జేజేలు అందుకోవాలని ఆశిద్దాం. ప్రస్తుతం అనూష్క మహేష్ సరసన త్రివిక్రమ్ దర్శకత్వంలో నటిస్తోంది.