Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
స్టార్ హీరోలపై మీడియా కేసు..కోర్టు సమన్లు
తమిళ స్టార్ హీరోలు సూర్య, శరత్ కుమార్, సత్యరాజ్ పై ఊటీకి చెందిన ఓ పత్రిక కోర్టు కేసు వేసింది. దాంతో ఊటీ కోర్టు ప్రముఖ నటులు సూర్య,శరత్కుమార్,సత్యరాజ్,వివేక్,అరుణ్ విజయ్,విజయ్కుమార్,నటి శ్రీప్రియ,దర్శక నటుడు చేరన్కు సమన్లను జారీ చేసింది.డిసెంబర్ 12న కోర్టుకు నేరుగా హాజరుకావాలని ఆదేశించింది. వివరాల్లోకి వెళితే 2009లో జరిగిన తమిళ నటుల సంఘం సమావేశం లో దాదాపు కొట్టుకునే స్ధాయిలో గొడవలు జరిగాయి. దాంతో ఓ పత్రిక వారు దీన్ని ఉన్నదున్నట్లు కవరేజ్ చేసారు. దాంతో తమ గురించి ఇట్లా రాస్తారా అని స్టార్ హీరోలంతా మండిపడ్డారు. తమ గురించి తప్పుడు సమాచారాన్ని ప్రచురిస్తున్నారన్న ఆగ్రహంతో సూర్య, శరత్కుమార్, సత్యరాజ్ తదితర నటులు, దర్శకులు మీడియా ప్రతినిధులను కించపరిచేలా మాట్లాడారు.
తమ అభిమానులను,పాఠకులను తప్పుదోవ పట్టించే లా మీడియా వ్యవహరిస్తోందని ఈ నటులు నోరు పారేసుకున్నారు. దీనిపై ఊటీకి చెందిన తమిళ పత్రిక సంపాదకుడు రోసారి యో ఊటీ కోర్టులో పిటిషన్ దాఖలు చేశారు. పిటిషన్ను విచారించిన కోర్టు ప్రముఖ సామాజిక కార్యకర్తలు వీరమదివానన్, తవముదల్వన్ అభిప్రాయాలను సేకరించింది. ఈ కేసు విచారణ న్యాయమూర్తి సుబ్రమణ్యం సమక్షంలోకి వచ్చింది. ఆరోపణలు ఎదుర్కొం టున్న నటులు సూర్య, శరత్కుమార్, సత్యరాజ్, వివేక్, అరుణ్ విజయ్, విజయ్కుమార్, శ్రీప్రియ, చేరన్ వచ్చే నెల 12న కోర్టుకు నేరుగా హాజరుకావాలని న్యాయమూర్తి ఆదేశించారు. ఈ పరిణామంతో ఈ గొడవ అయిపోయింది అంతా మర్చిపోయారనుకుంటున్న సమయంలో వచ్చిన ఈ సమన్లు చూసి వారంతా షాక్ కి గురి అయ్యారు. ఈ విషయాన్ని మీడియా ఎట్లా ఫోకస్ చేస్తుందో అని వారు ఆందోళన చెందుతున్నట్లు చెన్నై పరిశ్రమలో వినపడుతోంది.