Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
గదిలో బందీ అయిన 'గజనీ' సూర్య
"పాత్రపరంగా నేను కొంతకాలం జైలులో ఉంటాను. అలాగని నేను నిజంగా జైలుకు వెళ్లి అక్కడ గడపలేదు. ఖైదీ మానసిక స్థితి ఎలా ఉంటుందనేది తెలుసుకునేందుకు ఇంట్లో ఒక గదిలో బందీగా ఉన్నాను. ఆ విధంగా పాత్ర పోషణను అవగతం చేసుకున్నాను" అని గజనీ సూర్య 'రక్త చరిత్ర' చిత్రం కోసం తను పడ్డ తపనను మీడియాకు వివరించారు. అతని మాటల్లోనే..."నా ద్వారా రామ్ గోపాల్ వర్మ దర్శకుడిగా తమిళ ప్రేక్షకులకు పరిచయం కావటం ఆనందంగా ఉంది. ఆంధ్రప్రదేశ్ లో నివసించిన ఒక వ్యక్తి నిజ జీవితంలో జరిగిన సంఘటనలు స్ఫూర్తిగా నా పాత్రను మలిచారు. ఒక సాధారణమైన వ్యక్తి అసాధారణమైన పరిస్థితిలో చిక్కుకున్నప్పుడు అతడి మానసిక పరిస్ధితి ఏ విధంగా మారుతుంది అనే అంశాన్ని పలు మలుపులు, ఆసక్తిదాయకమైన సంఘటనలతో ఈ చిత్రం ఉంటుంది.
మరికొద్ది రోజుల్లో 'రక్త చరిత్ర' షూటింగ్ పూర్తవుతుంది. ఈ చిత్రం కేవలం పగ, ప్రతీకారం, హింస మాత్రమే కాక ఒక పాత్ర తాలూకు భావోద్వేగాల ప్రయాణాన్ని ప్రతిబింబిస్తుంది. వైవిధ్యమైన కథకు టెక్నాలజీ తోడు కావటంతో ఈ చిత్రం ప్రేక్షకులను ఆకట్టుకుంటుంది" అని సూర్య తెలిపారు. అలాగే హిందీ 'రక్త చరిత్ర' కోసం మదురైకు చెందిన ఒక ప్రొఫెసర్ దగ్గర సూర్య హిందీ నేర్చుకున్నారు. అంతేకాక తన భార్య జ్యోతిక సహకారంతో హిందీలో తన పాత్రకు స్వంతంగా డైలాగులు చెప్పుకున్నారు. ఇప్పటిదాకా తాను నటించిన పాత్రల్లో ఈ పాత్ర మరపురానిదిగా మిగిలిపోతుందని సూర్య చెప్పారు.