షూటింగ్ లో గాయపడ్డ విశాల్: ఆసుపత్రికి తరలింపు

సినిమా ఫైటింగ్ అంటే డూప్ ఉండటం సర్వసాధారణం, హీరో క్షేమం కోసం నిపుణులైన డూప్‌లతో యాక్షన్ సన్ని వేశాలను చిత్రీకరిస్తారు. కానీ ఈ మధ్య కాలంలో హీరోలు డూప్ లేకుండా నటిస్తున్నారు. తమ అభిమానులు తామే ఆ స్టంట్స్ చేసాం అనుకుంటారనీ వారిని నిరాశ పరచలేకే కొన్ని సాహసాలు చేస్తామని చెప్తూంటారు.

అయితే ఈ ప్రయత్నం లో అభిమానులకోసం తీవ్రంగా గాయపడుతున్నారు. ఇలాంటి సంఘటనలు దాదాపు అన్ని ఇండస్ట్రీలో చూస్తునే ఉన్నాం. తమిళ హీరో విశాల్ కూడా ఇలా స్టంట్స్ చేసే విశయం లో ముందుంటాడు.తన అభిమానుల కోసం ఆ మాత్రం చేయాల్సిందే అని చెప్తూంటాడు. ఇదివరలో కొన్ని గాయాల పాలైన విశాల్ ఇప్పుడు మళ్ళీ తన కొత్త సినిమా "తుప్పరివాలన్" షూటింగ్ సందర్భంగా విశాల్ గాయపడ్డాడు.

'తుప్పరివాలన్' షూటింగ్ లో ఓ ఫైట్ సన్నివేశాన్ని చిత్రీకరిస్తుండగా విశాల్ ఎడమ కాలికి గాయాలయ్యాయి. వెంటనే అతన్ని స్థానికంగా ఉన్న ఆసుపత్రికి తరలించారు. ఈ సందర్భంగా విశాల్ ను చూసేందుకు భారీ ఎత్తున ఆయన అభిమానులు ఆసుపత్రి వద్దకు తరలి వచ్చారు. ఈ ఘటనకు సంబంధించి మరిన్ని వివరాలు తెలియాల్సి ఉంది.