అల్లు అరవింద్ కు చెప్తే నా కథను కాపీ కొట్టాడు

రామ్ చరణ్, కాజల్ కాంబినేషన్లో రాజమౌళి రూపొందించిన మగధీర చిత్రం వందరోజులు విజయవంతంగా పూర్తి చేసుకుని దూసుకుపోతోంది. ఆ విజయాన్ని పురస్కరించుకుని తమిళంలో ఈ చిత్రాన్ని డబ్ చేసి రిలీజ్ చేయాలని అల్లు అరవింద్ ప్లాన్ చేసారు. అయితే అనుకోనివిధంగా దానికో అడ్డంకి వచ్చి పడింది. ఈ కథ తనదేనంటూ ఓ తమిళ రైటర్ అక్కడ సౌత్ ఇండియన్ ఫిల్మ్ అసోశియేషన్ లో కేసు ఫైల్ చేసారు. అంతేకాక తాను గతంలో ఈ కథను అల్లు అరవింద్ కు నేరేట్ చేసానని, ఆయన మోసం చేసారని ఆరోపించాడు. అయితే ఆ రచయిత పేరును పబ్లిక్ చేయటానికి ఇష్టపడటం లేదు. ఏదైనా రాజీ జరుగుతుందని ఎదురుచూస్తున్నట్లు సమాచారం. అతనికి కాంపన్సేషన్ ఇస్తాడని ఆశిస్తున్నారు. అంటే అతనికి ఈ మగధీర కథ నాదేనంటూ తెలుగులో జరిగిన గొడవ తెలియదన్న మాట. అదీసంగతి.