Don't Miss!
- News barrelakka: వివాహ బంధంలోకి అడుగుపెట్టిన బర్రెలక్క
- Sports IPL 2024: అందుకే పృథ్వీ షా ఆడటం లేదు: సౌరవ్ గంగూలీ
- Lifestyle గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
హద్దులు దాటేలా ముద్దులు, లెస్బియన్ సన్నివేశాలు.. సమాజాన్ని భ్రష్టు పట్టించే సినిమా!
హీరోయిన్ ఓవియా పేరు ప్రస్తుతం తమిళ చిత్ర పరిశ్రమలో మారుమోగుతోంది. ఓవియా తమిళ బిగ్ బాస్ 1 లో పాల్గొంది. అంతకు ముందు కూడా ఓవియా హీరోయిన్ గా నటించింది. కానీ ఒవియాకు ఎలాంటి గుర్తింపు లభించలేదు. బిగ్ బాస్ షోలో పాల్గొన్న తర్వాత ఓవియా జాతకం ఒక్కసారిగా మారిపోయింది. లక్షలాది మంది ఆమెకు అభిమానులుగా మారిపోయారు. ఈ షో తర్వాత ఓవియా నటిస్తున్న తొలి చిత్రం 90 ఎంఎల్. ఇటీవల ప్రేక్షకుల ముందుకు వచ్చిన ఈ చిత్రం విమర్శలపాలవుతోంది. అందుకు కారణం ఈచిత్రంలో హద్దులు దాటేలా అడల్ట్ కంటెంట్ ఉండడమే.
డివైడ్ టాక్
ఈ శుక్రవారం ప్రేక్షకుల ముందుకు వచ్చిన 90 ఎంఎల్ చిత్రానికి ప్రేక్షకుల నుంచి డివైడ్ టాక్ వస్తోంది. ఓవియా అభిమానులే 90 ఎంఎల్ చిత్రపై అసంతృప్తిని వ్యక్తం చేస్తూ విమర్శిస్తున్నారు. ఈ చిత్రంలో కొన్ని సన్నివేశాలు కనీసం చూడలేని విధంగా ఉన్నాయనే అభిప్రాయం వ్యక్తం అవుతోంది. ఈ చిత్రాన్ని మహిళా దర్శకురాలు అనిత ఉదీప్ తెరకెక్కించారు. ఓవియా, అనితపై సోషల్ మీడియాలో తీవ్రమైన ట్రోలింగ్ జరుగుతోంది.
హద్దులు దాటేలా
90 ఎంఎల్ చిత్రాన్ని కేవలం యువతే టార్గెట్ గా తెరెక్కించారు. ఓవియాతో పాటు ఆమె స్నేహితురాళ్ళు మద్యం సేవించడం, హద్దు దాటేలా ముద్దు సన్నివేశాలు, లెస్బియన్ సన్నివేశాలే ప్రధానంగా చూపించారు. దీనితో 90 ఎంఎల్ చిత్రంపై సర్వత్రా వ్యతిరేకత వ్యక్తం అవుతోంది. తాజాగా ప్రముఖ తమిళ నిర్మాత ధనుంజయన్ 90 ఎంఎల్ చిత్రం గురించి సోషల్ మీడియాలో స్పందించారు.
సమాజాన్ని భ్రష్టు పట్టించేలా
90 ఎంఎల్ చిత్రం సమాజాన్ని భ్రష్టు పట్టించేలా ఉందని ధనుంజయన్ తీవ్రమైన వ్యాఖ్యలు చేశారు. ధనుంజయన్ విమర్శలకు 90 ఎంఎల్ దర్శకురాలు అనిత వెటకారంగా బదులిచ్చింది. మీరు నిర్మించిన మిస్టర్ చంద్రమౌళి చిత్రంలో అస్లీల పాటలకు నేను దర్శకురాలిని కాదు అని బదులిచ్చింది. దీనికి ధనుంజయన్ బదులిస్తూ..నా చిత్రాల్లో పాటలు గ్లామరస్ గా ఉంటాయి తప్ప వల్గర్ గా ఉండవని అన్నారు.
మీతో బోర్ కొడుతోంది
నా చిత్రాలకు యూఏ సర్టిఫికెట్ వచ్చింది. మీలాగా 'ఏ' సర్టిఫికెట్ సినిమాలు చేయను అని ధనుంజయన్ అన్నారు. అనిత మరింత వెటకారంగా బదులిస్తూ మీతో వివాదం బోర్ కొట్టేలా ఉంది. కొంచెం స్మార్ట్ గా మాట్లాడండి. పారిపోకండి అని అనిత వెటకారం ప్రదర్శించింది. సోషల్ మీడియాలో ఎదురవుతున్న ట్రోలింగ్ కు ఈ దర్శకురాలు ఎలాంటి సమాధానం ఇస్తుందో చూడాలి.