విశాల్ సూపర్.. భలే దెబ్బ కొట్టాడు.. తమిళ రాకర్స్ సభ్యులు అరెస్ట్

అక్రమార్కులపై పైచేయి

ఇటీవల విశాల్ ఓ ప్రెస్‌మీట్‌లో మాట్లాడతూ.. అక్రమంగా దక్షిణాది చిత్రాలను వెబ్‌సైట్లలోకి అప్‌లోడ్ చేస్తున్న వారిపై కఠిన చర్యలు తీసుకొంటున్నాం. వారితో పోరాటంలో ఒక్క అడుగు ముందుకెస్తే.. మరో అడుగు వెనుక వేసినట్టుగా ఉంటున్నది. ఏదో రోజు అక్రమార్కులపై పైచేయి సాధిస్తాం అని విశాల్ చెప్పుకొచ్చారు. అదే క్రమంలో ఇటీవల తమిళ రాకర్స్, డీవీడీ రాక్సర్ అనే ముఠాకు చెందిన ఐదుగురు సభ్యులను అరెస్ట్ చేయడం తమిళ సినీ పరిశ్రమలో సంచలనం రేపింది.

పైరసీ ముఠా గుట్టురట్టు

వెబ్‌సైట్‌లో పెడుతున్న వ్యాపార ప్రకటనల ద్వారా పైరసీ ముఠాను పట్టుకొన్నాం. పట్టుబడిన వ్యక్తులంతా సాంకేతికంగా చాలా అర్హత ఉన్నవారే. ఈ ముఠాలో ఉన్నవారు ఎంఎస్సీ, బీఎస్సీ కంప్యూటర్ సైన్స్ చదువుకొన్నవారే కావడం గమనార్హం అని అన్నారు.

ప్రపంచ దేశాల నుంచి

అక్రమ పైరసీ ముఠాకు చెందిన వీరంత ప్రపంచవ్యాప్తం పలు ప్రదేశాల నుంచి సినిమాలను రికార్డు చేసి ఒక సినిమాగా రూపొందిస్తున్నారు. త్వరలోనే ఈ ముఠాకు చెందిన మరికొందని అరెస్ట్ చేస్తాం అని పైరసీ సెల్ అధికారులు వెల్లడించారు.

పట్టుబడిన వారు వీరే

అక్రమ పైరసీ ముఠాలో పట్టుబడిన వారిలో తమిళఎన్ రాకర్స్ అధినేత ప్రభు, మారియా జాన్, కార్తీ, సురేష్, డీవీడీ రాకర్స్‌కు చెందిన జాన్సన్, సురేష్, కార్తీ ఉన్నారు. ఈ వ్యాపారం ద్వారా తమిళ రాకర్స్ కోటి రూపాయలు, డీవీడీ రాకర్స్ 75 లక్షలు సంపాదించారు. దాదాపు 19 డోమైన్ల నుంచి వారు సినిమాలను అప్‌లోడ్ చేస్తున్నారు అని పోలీసులు తెలిపారు.