హీరో విశాల్‌కు తమిళ సర్కార్ షాక్.. ఇకపై ఈ స్టార్ అక్కడ డమ్మీ?

విశాల్ మీద ఆరోపణలు

ఇక నుంచి ప్రెసిడెంట్ విశాల్ అండ్ టీమ్ నిర్మాతల మండలికి సంబంధించిన ఏ పని చేసినా, డబ్బు ఖర్చు పెట్టాలన్నా ఎన్.శేఖర్ అనుమతితోనే చేయాల్సి ఉంటుందట. విశాల్ నేతృత్వంలోని టీమ్ మీద ప్రధానంగా 3 ఆరోపణలు ఉండటం, అవి రుజుకు కావడంతో ప్రభుత్వం ఈ నిర్ణయం తీసుకున్నట్లు తెలుస్తోంది.

అలా చేయడం నిబంధనలకు విరుద్ధం

నిర్మాతల మండలి సభ్యులకు పెన్షన్, బహుమతులు ఇస్తోంది. తమిళనాడు సొసైటీస్ రెగ్యులేషన్ యాక్ట్ నిబంధనలకు ఇది విరుద్ధం. విశాల్ జనరల్ బాడీ మీటింగ్స్ నిర్వహించడం లేదు. అంతే కాదు జనరల్ బాడీ మీటింగ్ జరుగకుండానే, వారి అనుమతి లేకుండానే కోట్లాది రూపాయలు ఖర్చు చేశారట. వాటికి సరైన లెక్కలు కూడా చూపడం లేదనే ఆరోపణలు ఉన్నాయి.

విశాల్ టీంకు ఊహించని షాక్

నిర్మాతల మండలి వ్యవహారాలు చూసుకునేందుకు ఎన్ శేఖర్‌ను నియమించడం ద్వారా విశాల్ అంట్ టీంకు ప్రభుత్వం షాకిచ్చిందని చర్చించుకుంటున్నారు. అంతే కాదు నడిగర్ సంఘం ప్రధాన కార్యదర్శిగా కూడా విశాల్ కొనసాగుతున్నారు. అక్కడ కూడా విశాల్‌పై పలు ఆరోపణలు ఉన్నాయి.

ఎలా రియాక్ట్ కాబోతున్నాడు?

కొన్ని రోజుల క్రితం తమిళ నిర్మాతల మండలి వద్ద పెద్దగొడవ జరిగింది. ఓ వర్గం కార్యలయానికి తాళం వేయగా... విశాల్ దాన్ని బద్దలు కొట్టే ప్రయత్నం చేశారు. వెంటనే అక్కడికి చేరుకున్న పోలీసులు విశాల్‌ను అరెస్ట్ చేసిన సంగతి తెలిసిందే. ప్రస్తుతం తన సినిమా షూటింగులో బిజీగా ఉన్న విశాల్... తమిళనాడు ప్రభుత్వం తీసుకున్న నిర్ణయంపై స్పందించాల్సి ఉంది.