స్టార్ హీరో సినిమా షూటింగ్‌లో అపశృతి.. 100 అడుగుల ఎత్తు నుంచి, తలకు బలమైన గాయం!

క్లైమాక్స్ సీన్స్

ప్రస్తుతం దర్శకుడు అట్లీ చెన్నైలోని ఈవిపి ఫిలిం సిటిలో క్లైమాక్స్ సన్నివేశాలని చిత్రీకరిస్తున్నారు. షూటింగ్ లో ఊహించని ప్రమాదం చోటు చేసుకున్నట్లు తెలుస్తోంది. షూటింగ్ కోసం 100 అడుగుల ఎత్తులో క్రేన్ సాయంతో ఓ లైట్ ని అమర్చారట. ఆ లైట్ ని సరిగా అమర్చకపోవడంతో తెగి పడ్డట్లు తెలుస్తోంది. ఈ ప్రమాదంలో సెల్వరాజ్ అనే వ్యక్తి గాయపడ్డట్లు తెలుస్తోంది.

బలమైన గాయం

ఎలెక్ట్రీషియన్ సెల్వరాజ్ తలపై ఆ లైట్ పడ్డట్లు తెలుస్తోంది. సెల్వరాజ్ తలకు బలమైన గాయం అయ్యిందట. దీనితో అతడిని వెంటనే ఓ ప్రైవేట్ ఆసుపత్రిలో చేర్పించారు. ప్రస్తుతం సెల్వరాజ్ కు చికిత్స జరుగుతోంది. ఇటీవల విజయ్ స్వయంగాఆ ఆసుపత్రికి వెళ్లి సెల్వరాజ్ ని పరామర్శించినట్లు తెలుస్తోంది. ఈ ఘటనపై పోలీసులు కేసు నమోదు చేసుకున్నట్లు తెలుస్తోంది. ప్రమాదానికి గల కారణాలపై విచారణ జరుపుతున్నారు.

విజయ్ స్వయంగా

విజయ్ స్వయంగా ఆసుపత్రికి వెళ్లి సెల్వరాజ్ ఆరోగ్యపరిస్థితి గురించి వైద్యులతో ఆరా తీస్తున్న దృశ్యాలు సోషల్ మీడియాలో వైరల్ అవుతున్నాయి. ఇక దళపతి 63 చిత్రంలో షారుఖ్ ఖాన్ నటించబోతున్నాడు అంటూ ప్రచారం జరుగుతోంది. ఇందులో ఎంతవరకు వాస్తవం ఉందొ తేలాల్సి ఉంది. ఆ మధ్యన చెన్నై, కోల్ కతా ఐపీఎల్ మ్యాచ్ సంధర్భంగా షారుఖ్ ఖాన్ ని అట్లీ కలుసుకున్నారు. అప్పటి నుంచి ఈ ఊహాగానాలు మొదలయ్యాయి.

దీపావళి కానుకగా

దళపతి 63 చిత్రంలో విజయ్ ఫుట్ బాల్ కోచ్ పాత్రలో నటిస్తున్నాడు. క్రీడా రంగంలో జరుగుతున్న రాజకీయాలు, అవినీతి గురించి అట్లీ ఈ చిత్రంలో ప్రస్తావించబోతున్నాడు. ఏజిఎస్ ఎంటర్టైన్మెంట్ సంస్థ ఈ చిత్రాన్ని నిర్మిస్తోంది. దీపావళి కానుకగా ఈ చిత్రాన్ని విడుదల చేయనున్నారు. ఇటీవల కాలంలో విజయ్ కు పరాజయమే లేదు. తేరి, మెర్సల్, సర్కార్ ఇలా వరుస విజయాలతో దూసుకుపోతున్నాడు.