నయనతార మాస్టర్ ప్లాన్ సూపర్..

By Staff

| Published: Friday, December 19, 2008, 11:03 [IST]

హఠాత్తుగా క్రేజ్ తగ్గిన హాట్ స్టార్ నయనతార ఇప్పుడు అవకాశాలు కోసం రకరకాలు విన్యాసాలు చేస్తోంది. అందులో భాగంగానే నయనతార ఇప్పుడు నమిత రూటులో ప్రయాణం పెట్టుకుంది. ఆ మధ్య నమిత తన అభిమానులుచే గుడి కట్టించుకుని తన క్రేజ్ ని చెప్పకనే చెప్పుకుని రెమ్యునేషన్ పెంచుకుంది. ఇప్పుడు అదే పని నయనతార చేయబోతోందని వినికిడి. ఆమె అభిమానులు కొందరు ఆమెను కలసి గుడి కట్టే ప్రపోజల్ పెట్టారని,దానికి ఆమె ఓకె అందని అంతర్గత సమాచారం.

అయితే ఆ గుడి కట్టడానికి అయ్యే ఖర్ఛని ఇన్ డైరక్ట్ గా నయనే భరిస్తోందని తెలుస్తోంది. నమిత కూడా పైకి అభిమానులే గుడి కట్టారని ప్రకటించినా ఆ తర్వాత ఆ గుడి నిర్మాణానికి అయ్యిన ఖర్చుని ఆమే చెల్లించిందనే సంగతి వెలుగు చూసింది. ఇక నయనతార కరూర్ దగ్గరలోని అరవకుర్చి అనే ప్రాంతంలో ఈ గుడి కట్టడానికి నిధులు సాంక్షన్ చేసింది. అలా మరొక్కసారి తనను దేవతలా ఆరాధించే అభిమానించే ఫాన్స్ ఉన్నారని నిరూపించి..తమిళ సినిమా ఆఫర్స్ సంపాదించాలని ఆమె మాస్టర్ ప్లాన్ అని తమిళ పత్రికలు రాస్తున్నాయి.