హోమ్

Tamil

విశాల్-మిస్కిన్ కాంబినేషన్‌లో వచ్చిన తుప్పరివాలన్ (డిటెక్టివ్) చిత్రం గురించి అందరికీ తెలిసిందే. సస్పెన్స్ థ్రిల్లర్‌గా తెరకెక్కించిన ఈ చిత్రం విశాల్‌ను మళ్లీ లైమ్ లైట్‌లోకి తీసుకొచ్చింది. ఆ చిత్రం మళ్లీ వరుసగా బ్లాక్ బస్టర్ హిట్స్ పడ్డాయి. అయితే ఆ సమయంలోనే డిటెక్టివ్ చిత్రానికి సీక్వెల్ ఉంటుందని ప్రకటించిన సంగతి తెలిసిందే.

తమిళ నాట సస్పెన్స్ థ్రిల్లర్స్‌ను తెరకెక్కించడంలో తనకంటూ ఓ ప్రత్యేకతను సృష్టించుకున్న దర్శకుడు మిస్కిన్. తాజాగా సైకో అంటూ ప్రేక్షకులను భయపెట్టాడు. అయితే తుప్పరివాలన్ 2 చిత్రానికి కూడా మిస్కినే దర్శకుడిగా వ్యవహరించాడు. అయితే చివర్లో హీరోకు, దర్శకుడుకు విబేధాలు తలెత్తడంతో వివాదంగా మారింది.

#Thupparivaalan2FirstLook from tomorrow #Thupparivaalan2 #Detective2 #Thupparivaalan2FL @VishalKOfficial pic.twitter.com/0u3Q43fwMk

— Vamsi Kaka (@vamsikaka) March 10, 2020

బడ్జెట్ పరిమితులు దాటుతోందని, ఇష్టమొచ్చినట్టుగా ఖర్చు పెట్టిస్తున్నారని దర్శకుడిపై ఫైర్ అయినట్టు తెలుస్తోంది. దీంతో హర్ట్ అయిన డైరెక్టర్ ప్రాజెక్ట్‌ను మధ్యలోనే వదిలేశాడు. హీరో విశాల్.. దర్శకత్వ బాధ్యతలు చేపట్టి చిత్రాన్ని పూర్తి చేసేశాడు. ఇక ఈ మూవీ నుంచి మరో అప్‌డేట్ వచ్చేసింది. ఈ సినిమా ఫస్ట్ లుక్ రేపు రాబోతోందని ఓ పోస్టర్‌ను రిలీజ్ చేశారు. ఇందులో విశాల్, ఇళయరాజా పేర్లు మాత్రమే కనిపిస్తున్నాయి. అయితే దర్శకుడిగా విశాల్ పేరునే టైటిల్ కార్డులో వేసుకునేలా ఉన్నాడు.