త్రిష ద గ్రేట్

By Staff

Published: Monday, December 29, 2008, 17:13 [IST]

సౌత్ లో డిమాండు ఉన్న హీరోయిన్ త్రిష తన పుట్టిన రోజు వేడుకలను కాస్త డిఫెరెంట్ గా జరుపుకుంది. కేన్సర్ రోగ పీడితులతో కలసి ఈ రోజుని గడిపి వారి కళ్ళల్లో ఆనందాన్ని నింపింది. చెన్నై కాన్సర్ ఇనిస్టిస్టూట్ లో ఈ వేడుకలను త్రిష పౌండేషన్ ఎరేంజ్ చేసింది. అక్కడున్న కాన్సర్ పిల్లలతో కలిసి పోయి ఆమే చిన్న పిల్లగా మారిపోయిందని అది చూసిన వారు వ్యాఖ్యానిస్తున్నారు. అంతేగాక త్రిష లేటెస్ట్ గా నటించిన అభియుమ్ నానుమ్(ఆకాశమంతా) సినిమా ఫ్రీ షో వారికి వేసి చూపించింది.

తర్వాత అక్కడున్న వారందరికి గిప్ట్స్ పంచి,వారితోనే భోజనం చేసి బట్టలిచ్చి వారిని సంతోషపరిచింది.సినిమా చూడటం పూర్తయిన తర్వాత త్రిష మాట్లాడుతూ...నాకు ఈ సినిమా వీరికి చూపాలనే ఐడియా రాగానే వెంటనే దర్శకుడు రాధా మోహన్ కి ఫోన్ చేసాను. అతను వెంటనే ఓ ప్రింటు ఇక్కడికి పంపి అందరినీ ఆనందపరిచాడు. అతనికి నా ప్రత్యేక ధాంక్స్ అంది. భిన్నంగా జరిగిన ఈ పుట్టిన రోజు వేడుకలు గురించి మిగతా హీరోయిన్స్ కూడా ఎంక్వైరీ చేస్తున్నారు. వారు కూడా ఇట్లాంటి పనేదైనా చేస్తే బాగుంటుందనేది వారి అభిమానుల కోరిక. ఏదైమైనా త్రిష ద గ్రేట్ కదా.

More from Filmibeat