పారిశ్రామికవేత్త తో స్టార్ హీరోయిన్ త్రిష వివాహం

త్రిషకు త్వరలో వివాహం జరగనుందని, ఓ పారిశ్రామికవేత్తని ఓకే చేసిందని,కుటుంబసభ్యుల సమక్షంలో ఇందుకు సంభందించిన ఫార్మాలిటీస్ జరిగాయని చెన్నై ఫిల్మ్ సర్కిల్స్ లో చెప్పుకుంటున్నారు. ఇన్నాళ్ళూ తాను పెళ్ళి చేసుకోబోయేవాడు అలా ఉండాలి, ఇలా ఉండాలి అని చెప్పిన త్రిష హఠాత్తుగా ఈ నిర్ణయానికి దారితీసిన అంశాలు ఏమిటన్నది తెలియటం లేదంటున్నారు. ప్రస్తుతం తమిళంలో అజిత్ సరసన 'మాంగాత', తెలుగులో పవన్ కళ్యాణ్‌తో 'తీన్ మార్' చిత్రాల్లో త్రిష నటిస్తోంది.

ఈ రెండు చిత్రాలు పూర్తయిన తరువాత పెళ్లి చేయాలని త్రిష తల్లిదండ్రులు నిర్ణయించినట్లు తెలిసింది. వివాహానంతరం నటనకు గుడ్‌బై చెబుతుందా లేక , కంటిన్యూ చేస్తుందా అనేది తెలియాలంటే కొద్ది రోజులు ఆగాలి అంటూ రాస్తున్నారు. అయితే ఇది రూమరా లేక నిజమా అన్నది మాత్రం తెలియాలి. ఎందుకంటే తెలుగులో వెంకటేష్ సరసన ఆమె రీసెంట్ గా సావిత్రి చిత్రం ఓకే చేసిందని తెలుస్తోంది.